ମୁମ୍ବାଇ,୨୬।୩: ବଲିଉଉ ଅଭିନେତ୍ରୀ ଐଶ୍ବର୍ଯ୍ୟା ରାୟଙ୍କ କାର ମୁମ୍ବାଇରେ ଦୁର୍ଘଟଣାଗ୍ରସ୍ତ। ବୁଧବାର ଏହାର ବହୁ ଭିଡିଓ ମଧ୍ୟ ସାମନାକୁ ଆସିଛି। ଐଶ୍ବର୍ଯ୍ୟାଙ୍କ କାର୍କୁ ପଛୁଆ ଧକ୍କା ଦେଇଛି ବସ୍। ସବୁଠାରୁ ଖାସ୍ କଥା ଏହା ଯେ, ଦୁର୍ଘଟଣା ଏତେ ବଡ଼ ନଥିଲା। ଘଟଣାପରେ ସେଠାରେ ଲୋକଙ୍କର ପ୍ରବଳ ଭିଡ ଜମିଯାଇଥିଲା। ଐଶ୍ବର୍ଯ୍ୟାଙ୍କ ବଡିଗାର୍ଡ ମଧ୍ୟ ଗାଡି ପାଖରେ ଦେଖିବାକୁ ମିଳିଥିଲେ।
ଭିଡିଓରେ ଦେଖିବାକୁ ମିଳୁଛି ଯେ, କିଛି ସମୟ ପରେ ଐଶ୍ବର୍ଯ୍ୟାଙ୍କ ଗାଡି ସେଠାରୁ ନିଆଯାଇଥିଲା। ସେଠାରେ ତାଙ୍କ ବଡ଼ିଗାର୍ଡଙ୍କୁ ମଧ୍ୟ ଥିଲେ। ଭିଡିଓ ଦେଖି ଐଶ୍ବର୍ଯ୍ୟାଙ୍କ ଫ୍ୟାନ୍ ଖୁବ୍ ଚିନ୍ତିତ ହୋଇଯାଇଥିଲେ। ସମସ୍ତେ ଜାଣିବାକୁ ଚାହାନ୍ତି, ଐଶ୍ବର୍ଯ୍ୟା ସେତେବେଳେ ଗାଡିରେ ଥିଲେ କି ନଥିଲେ। ଖବର ମିଳିଛି ଯେ,ସେହି ସମୟରେ କାରରେ ଐଶ୍ବର୍ଯ୍ୟା ନଥିଲେ। କୁହାଯାଉଛି ଯେ, ତାଙ୍କ କାର୍କୁ ବସ୍ ହାଲକା ଧକ୍କା ମାରିଥିଲା। କାରରେ କୌଣସି ସ୍କ୍ରାଚ୍ ଚିହ୍ନ ମଧ୍ୟ ନାହିଁ।
ରିପୋର୍ଟ ଅନୁସାରେ, ଐଶ୍ବର୍ଯ୍ୟାଙ୍କ ଗାଡିର ଦାମ୍ ୧.୩୦ କୋଟି ଟଙ୍କା। ଏହି ଗାଡିକୁ ଐଶ୍ବର୍ଯ୍ୟା ଗତ ବର୍ଷ କିଣିଥିଲେ। ଏଭଳି ଗାଡି ଅକ୍ଷୟ କୁମାର, ସଞ୍ଜୟ କୁମାର, ଅଜୟ ଦେବଗନ୍, ରାକେଶ ରୋଶନ୍ ଓ ଅଭିଷେକ ବଚ୍ଚନଙ୍କ ପାଖରେ ଅଛି।
