ନୂଆଦିଲ୍ଲୀ: AIMIM ମୁଖ୍ୟ ଅସଦୁଦ୍ଦିନ ଓଓ୍ବେସୀ ତାଙ୍କ ଏକ୍ସ ହ୍ୟାଣ୍ଡେଲରେ ମୁସଲମାନ ମାନଙ୍କ ସହ ଜଡିତ ଏକ ପୋଷ୍ଟ ସେୟାର କରିଛନ୍ତି । ସେ ଏଥିରେ କହିଛନ୍ତି ଯେ, 'ମୁସଲମାନ ମାନଙ୍କୁ ଭାରତରେ ଅସ୍ପୃଶ୍ୟ କରାଯାଇଛି । ଉତ୍ତରାଖଣ୍ଡର ଚାମୋଲିରେ ୧୫ ଟି ମୁସଲମାନ ପରିବାରର ସାମୁହିକ ବହିଷ୍କାର କରାଯାଉଛି । ଚାମୋଲିର ବ୍ୟବସାୟୀ ମାନେ ଧମକ ଦେଇଛନ୍ତି ଯେ, ୩୧ ଡିସେମ୍ବର ସୁଦ୍ଧା ମୁସଲମାନ ମାନଙ୍କୁ ଚାମୋଲି ଛାଡିବାକୁ ପଡିବ । ଯଦି ଘର ମାଲିକ ମାନେ ମୁସଲମାନ ମାନଙ୍କୁ ଘର ଦିଅନ୍ତି, ତେବେ ସେମାନଙ୍କୁ ୧୦ ହଜାର ଟଙ୍କା ଜରିମାନା ଦେବାକୁ ପଡିବ।
ଓଓ୍ବେସୀ କହିଛନ୍ତି କି, 'ଏ ହେଉଛି ସେହି ଉତ୍ତରାଖଣ୍ଡ, ଯେଉଁଠାରେ ସରକାର ସମାନତା ନାମରେ ୟୁନିଫର୍ମ ସିଭିଲ କୋଡ କାର୍ଯ୍ୟକାରୀ କରୁଛନ୍ତି । କ’ଣ ଚାମୋଲିର ମୁସଲମାନ ମାନଙ୍କର ସମାନତା ଏବଂ ସମ୍ମାନ ସହିତ ବଞ୍ଚିବାର ଅଧିକାର ନାହିଁ କି ? ଯଦି ମୋଦୀ ଆରବ ଶେଖମାନଙ୍କୁ ଆଲିଙ୍ଗନ କରିପାରନ୍ତି, ତେବେ ସେ ଚାମୋଲିର ମୁସଲମାନ ମାନଙ୍କୁ ମଧ୍ୟ ଆଲିଙ୍ଗନ କରିପାରିବେ । ମୋଦୀ ଭାରତର ପ୍ରଧାନମନ୍ତ୍ରୀ, ସାଉଦି କିମ୍ବା ଦୁବାଇର ନୁହେଁ ।
मुसलमानों को भारत में अछूत बना दिया गया है। उत्तराखण्ड के चमोली में 15 मुसलमान परिवारों का सामूहिक बहिष्कार किया जा रहा है। चमोली के व्यापारियों ने धमकी दी है के 31 दिसंबर तक मुसलमानों को चमोली छोड़ देना होगा। अगर मकान मालिक मुसलमानों को घर देंगे तो ₹10,000 का जुर्माना देना…
— Asaduddin Owaisi (@asadowaisi) October 20, 2024
ଏହା ପୂର୍ବରୁ ଉତ୍ତରପ୍ରଦେଶରେ ଉପ-ନିର୍ବାଚନ ତାରିଖ ଘୋଷଣା ହେବା ପରେ ଓଓ୍ବେସୀ କାହାକୁ ସମର୍ଥନ କରିବେ ତାହା ସ୍ପଷ୍ଟ କରିଛନ୍ତି । ୨୦୨୪ ଲୋକସଭା ନିର୍ବାଚନରେ ସମାଜବାଦି ପାର୍ଟି ଭଲ ପ୍ରଦର୍ଶନ କରିଥିଲା । ଏଭଳି ପରିସ୍ଥିତିରେ ଶାସକ ବିଜେପି ଏବଂ ବିରୋଧୀ ଦଳରେ ବସିଥିବା ଦଳଗୁଡ଼ିକ ପାଇଁ ଏଠାରେ ଅନୁଷ୍ଠିତ ଉପ-ନିର୍ବାଚନ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି କାରଣରୁ, ସମସ୍ତ ଦଳ ପ୍ରମାଣ କରିବାକୁ ଚାହାଁନ୍ତି ଯେ ଏଠାରେ ଜିତିବା ଦ୍ୱାରା ଲୋକମାନେ ସେମାନଙ୍କ ସହ ଅଛନ୍ତି । ଏଭଳି ପରିସ୍ଥିତିରେ ଓଓ୍ବେସୀଙ୍କ ଦଳର ଆଭିମୁଖ୍ୟ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଛି।