ନୂଆଦିଲ୍ଲୀ,୧୫/୦୬: କିପରି ହେଲା ଅହମ୍ମଦାବାଦ ବିମାନ ଦୁର୍ଘଟଣା ? ଟେକ୍ ଅଫ୍ର ମାତ୍ର ୩୨ ସେକେଣ୍ଡରେ କିପରି ଇଞ୍ଜିନରେ ହେଲା ତ୍ରୁଟି ? ଥ୍ରଷ୍ଟ ମିଳିଲାନି ବିମାନ ଉପରକୁ ଉଠିଲାନି । ଘଟିଲା ଭୟାଭୟ ଦୁର୍ଘଟଣା । ଚାଲିଗଲା ୨୭୫ ଜୀବନ । କିପରି କାହିଁକି ଦୁର୍ଘଟଣା ହେଲା ତାର କାରଣ ଖୋଜା ଚାଲିଛି । ୪ ଥିଓରିରେ ବିଶ୍ଲେଷଣ ହେଉଛି । ପାଇଲଟଙ୍କ ଭୁଲ ନା ଇଞ୍ଜିନରେ ତ୍ରୁଟି । ବ୍ଲାକବକ୍ସ ଡିକୋଡିରୁ ରହସ୍ୟ ଫିଟିବ । ଏହାରି ଭିତରେ ବିମାନ ଦୁର୍ଘଟଣାକୁ ନେଇ ବାବା ରାମଦେବ ଦେଇଥିବା ବୟାନକୁ ନେଇ ଚର୍ଚ୍ଚା ହେଉଛି । ସେ ଦୁର୍ଘଟଣା ପଛରେ ତୁର୍କୀର ହାତ ଥିବା ସନ୍ଦେହ କରୁଛନ୍ତି ।
ଅହମ୍ମଦାବାଦ ବିମାନ ଦୁର୍ଘଟଣା ପଛରେ ତୁର୍କୀର ହାତ ଥିବା ସନ୍ଦେହ କରି ରାମଦେବ ବାବା କହିଛନ୍ତି, ''ଏତେ ବଡ଼ ଦୁର୍ଘଟଣା ପଛରେ ଷଡ଼ଯନ୍ତ୍ରର ଗନ୍ଧ ବାରି ହୋଇ ପଡୁଛି । ଏହା ପଛରେ ତୁର୍କୀର ହାତ ଥିଲା ସନ୍ଦେହ ଦେଉଛି । ଏହି ଏୟାରକ୍ରାପ୍ଟର ରକ୍ଷଣାବେକ୍ଷଣ ତୁର୍କୀ ଏକ ଏଜେନ୍ସିଂ ଦାୟିତ୍ୱରେ ଥିଲା । ବିମାନପ ମେଣ୍ଟେନାନ୍ସ ଓ ସର୍ଭିସ କାମ ତୁର୍କୀର ଏକ ସଂସ୍ଥା ହାତରେ ଥିଲା । ଭାରତ ସହ ତୁର୍କୀର ସମ୍ପର୍କ ଭଲ ନାହିଁ, ତେଣୁ ସେ ଏ ବାଟରେ ବଦଲା ଦେଇ ଥାଇପାରେ ।''
ସେ ଆହୁରି କହିଛନ୍ତି, ''ଭାରତକୁ ଏପରି ବେସାମରିକ ବିମାନ ଚଳାଚଳ କ୍ଷେତ୍ରରେ ଶତ ପ୍ରତିଶତ ତୀକ୍ଷ୍ମ ନଜର ରଖିବା ଦରକାର। ଏଭଳି ସମ୍ବେଦନଶୀଳ କ୍ଷେତ୍ରରେ ବିଦେଶୀ ଏଜେନ୍ସିଂର ସହୟତା ନେବା ବନ୍ଦ ହେବା ଉଚିତ୍ । ବିଦେଶୀଙ୍କ ହସ୍ତକ୍ଷେପକୁ ଶେଷ କରିବାକୁ ହେବ ।''
ଅଧିକ ପଢନ୍ତୁ...କେଦାରନାଥ ଗୌରୀକୁଣ୍ଡ ଜଙ୍ଗଲରେ ଖସିପଡ଼ିଲା ହେଲିକପ୍ଟର୍, ୭ ମୃତ
କହି ରଖୁଛୁ କି, ଗତ ୧୨ ତାରିଖରେ ଏୟାର ଇଣ୍ଡିଆର ବୋଇଂ ୭୮୭-୮ ବିମାନ ଅହମ୍ମଦାବାଦ ମୋଘାନୀ ନଗରରେ ଦୁର୍ଘଟଣାଗ୍ରସ୍ତ ହୋଇଥିଲା । ଟେକ୍ ଅଫ୍ର ମାତ୍ର ୫ ମିନିଟ୍ରେ କ୍ରାସ୍ ହୋଇଥିଲା । ବିମାନରେ ୧୨ କ୍ରିଉ ମେମ୍ବରଙ୍କୁ ମିଶାଇ ମୋଟ୍ ୨୪୧ଜଣ ଥିଲେ । କେବଳ ଜଣଙ୍କୁ ଛାଡି ସମସ୍ତଙ୍କର ମୃତ୍ୟୁ ହୋଇଥିଲା । ବିମାନଟି ବିଜେ ମେଡିକାଲ କଲେଜ ହଷ୍ଟେଲରେ ମାଡ଼ ହୋଇଥିଲା । ଏଥିରେ ୧୦ ଡାକ୍ତରୀ ଛାତ୍ରଙ୍କର ମୃତ୍ୟୁ ହୋଇଥିବା କୁହାଯାଉଛି । ମୃତ୍ୟୁସଂଖ୍ୟା ୨୭୫ରେ ପହଞ୍ଚିଛି । ୩୩ ମୃତଦେହର ଡିଏନ୍ଏ ମେଳ ଖାଇଛି । ଏହି ଦୁର୍ଘଟଣା ଦେଶକୁ ଦୋହଲାଇ ଦେଇଛି । ଘଟଣାର ତଦନ୍ତ ପାଇଁ ଉଚ୍ଚସ୍ତରୀୟ କମିଟି ଗଠନ ହୋଇଛି । ସ୍ୱରାଷ୍ଟ୍ର ସଚିବଙ୍କ ସମେତ ୧୧ ଜଣ ସଦସ୍ୟ ରହିଛନ୍ତି । ୩ ମାସରେ ରିପୋର୍ଟ ଦେବାକୁ ନିର୍ଦ୍ଦେଶ ହୋଇଛି ।
