ଅଟ୍ରୀ/ବାଘମାରୀ,୧୬/୦୧: ଦେବାଧିଦେବ ହଟ୍ଟକେଶ୍ଵରଙ୍କ ଅପାର କରୁଣାରୁ ସଂସ୍କୃତ ସାହିତ୍ୟ ଇତିହାସକୁ ଜ୍ୟୋତିର୍ମୟ ତଥା ରୁଦ୍ଧିମନ୍ତ କରି ପ୍ରକାଶ ପାଇଲା ମହାକବି କାଳିଦାସ ବିରଚିତ ମୂଳ ସଂସ୍କୃତ ଶୃଙ୍ଗାରତିଲକମ୍ ନାମକ ଲଘୁକାବ୍ୟର ପ୍ରତିଟି ଶ୍ଲୋକର ଶବ୍ଦ ବ୍ୟୁତ୍ପତ୍ତି ହୋଇଛି । ଏହାର ଆକ୍ଷରିକ ଅର୍ଥ ସହ ପଣ୍ଡିତ ରଞ୍ଜନ ଦାଶଙ୍କ ଅନୂଦିତ କାବ୍ୟ ରୂପାନ୍ତର କରାଯାଇଛି ।
ଗୁରୁବାର ଏହି ପୁସ୍ତକଟିର ହଟ୍ଟକେଶ୍ଵର ମକର ମହୋତ୍ସବର ରଙ୍ଗମଞ୍ଚରେ ବହୁ ସାହିତ୍ୟ ପ୍ରେମୀ ତଥା ଗଣ୍ୟମାନ୍ୟ କବିମାନଙ୍କ ଉପସ୍ଥିତିରେ ଲୋକାର୍ପଣ ହେଲା । କୃଷ୍ଣଚୂଡ଼ା ସାହିତ୍ୟ ସଂସଦର ପ୍ରତିଷ୍ଠାତା କଥାଶିଳ୍ପୀ ଗୋପୀନାଥ ସେଠୀଙ୍କ ସଭାପତିତ୍ୱରେ ଆୟୋଜିତ ସାରସ୍ୱତ ଆସରରେ ଜନପ୍ରିୟ ବିଧାୟକ ପ୍ରଦୀପ କୁମାର ସାହୁ, ଅବସରପ୍ରାପ୍ତ ଅଧ୍ୟକ୍ଷ ପ୍ରଫୁଲ୍ଲ ସୁବୁଦ୍ଧି, କବୟିତ୍ରୀ ସୁଶ୍ରୀ ଯୋଜନୀବାଳା, ସୁଶ୍ରୀ ପ୍ରତିମା ପ୍ରଧାନ ତଥା ଉପସ୍ଥିତ ଥିଲେ । ଅନ୍ୟାନ୍ୟ କବିମାନଙ୍କ କରକମଳରେ ପୁସ୍ତକର ଭବ୍ୟ ଲୋକାର୍ପଣ ସଂସ୍କୃତ ସାହିତ୍ୟ ଅନୁରାଗୀ ମାନଙ୍କ ଗହଣରେ ବହୁ ପ୍ରଶଂସନୀୟ ହୋଇଥିଲା ।
