ନୂଆଦିଲ୍ଲୀ,୦ ୮/୦୨: ସତ ହେଲା ଗରିବ ଚାଷୀ ବାପାର ସ୍ବପ୍ନ । ସଫଳତାର କାହାଣୀ ଲେଖିଲେ ଜଣେ ଚାଷୀ ବାପାର ଦୁଇ ସୁନାଝିଅ । ଲେଖିଲେ ସଫଳତାର କାହାଣୀ । ଜଣେ ଆଇଏଏସ ଓ ଆଉ ଜଣେ ଆଇପିଏସ । ସୁନାମୀରେ ଘର ଭାଙ୍ଗି ଯାଇଥିଲା । ହେଲେ ଏହା ତାଙ୍କ ସଫଳତା ଯାତ୍ରାରେ ବାଧା ସୃଷ୍ଟି କରି ନଥିଲା । କଥାରେ ଅଛି ନା ଯଦି ମନୋବଳ ଦୃଢ ଅଛି ତେବେ ସବୁ ଅସମ୍ଭବ ସମ୍ଭବ ହେବ । ଯାହାକୁ ପ୍ରମାଣ କରିଛନ୍ତି ଚାଷୀ ବାପାର ଦୁଇ ଝିଅ ଐଶ୍ବର୍ଯ୍ୟା ରାମନାଥନ ଓ ତାଙ୍କ ଉଭଣୀ ସୁସ୍ମିତା । ୟୁପିଏସସି ସିଭିଲ ସର୍ଭିସ ସେବା ଭଳି କଠିନ ପରୀକ୍ଷାକୁ କ୍ରାକ୍ କରି ଇତିହାସ ରଚିଛନ୍ତି ତାମିଲନାଡୁ କଡଲୁର ଜିଲ୍ଲାର ଦୁଇ ଉଭଣୀ ।
ଆଇଏଏସ ଐଶ୍ବର୍ଯ୍ୟା ରାମନାଥନ ଓ ତାଙ୍କ ଉଭଣୀ ଆଇପିଏସ ସୁସ୍ମିତାଙ୍କ ଘର ତାମିଲନାଡୁର କଡଲୁର ଜିଲ୍ଲାରେ । ତାଙ୍କ ବାପା ଜଣେ ଚାଷୀ ଓ ମାଆ ଗୃହିଣୀ । ୨୦୦୪ରେ ସମୁଦ୍ରରେ ଆସିଥିବା ସୁନାମୀ ଦକ୍ଷିଣ ଭାରତରେ ଏକାଧିକ ଘର ଧୋଇ ନେଇଥିଲା । ଏଥିରେ ଅନେକ ଚାଷୀ ସେମାନଙ୍କ ଘର ହରାଇଥିଲେ । ସେଥିରେ ଐଶ୍ବରା ରାମନାଥନଙ୍କ ଘର ମଧ୍ୟ ପାଣି ସୁଅରେ ମାଟିରେ ମିଶିଥିଲା । ମୁଣ୍ଡ ଗୁଞ୍ଜିବାକୁ ଜାଗା ନଥିଲା । ହେଲେ ସମୁଦ୍ରର ସୁନାମୀ ତାଙ୍କ ସ୍ବପ୍ନ ବାଟରେ ଆସି ନଥିଲା । ପାଠ ପଢିବେ ଚାଷୀ ବାପା ଦୁଃଖ ଦୂର କରିବେ ସେହି ଲକ୍ଷ୍ୟରେ ଥିଲେ ଐଶ୍ବର୍ଯ୍ୟା ଓ ସସ୍ମିତା । କଠିନ ପରିଶ୍ରମ କରିଥିଲେ । ଦିନ ରାତି ଏକ କରି ପାଠ ପଢିଥିଲେ । ଆଉ ସେହି ପରିଶ୍ରମ ଦୁଇ ଉଭଣୀଙ୍କୁ ଦେଇଥିଲା ସଫଳତା ।
ପ୍ରଥମ ପ୍ରୟାସରେ ୨୨ ବର୍ଷୀୟା ଐଶ୍ବରା ୨୦୧୮ ୟୁପିଏସସି ପରୀକ୍ଷାରେ ସଫଳ ହୋଇଥିଲେ । ୬୩୦ ରାଙ୍କ ହାସଲ କରିଥିଲେ । ସେ ରେଲୱେ ଆକାଉଣ୍ଟ ସର୍ଭିସରେ କଲେକ୍ଟର ହୋଇଥିଲେ । ୨୦୧୯ରେ ପୁଣି ଥରେ ୟୁପିଏସସି ପରୀକ୍ଷା ଦେଇଥିଲେ । ଏଥିରେ ୪୪ତମ ରାଙ୍କ ହାସଲ କରି ଆଇଏଏସ ହୋଇଥିଲେ । ଐଶ୍ବରାଙ୍କ ବଡ ଉଉଣୀ ସୁସ୍ମିତା ୨୦୨୨ରେ ୟୁପିଏସସି ପରୀକ୍ଷାରେ ୫୨୮ ରାଙ୍କ ହାସଲ କରି ଆଇପିଏସ ଅଫିସର ହୋଇଥିଲେ । ଏହା ତାଙ୍କର ଷଷ୍ଠ ପ୍ରୟାସ ଥିଲା । ସାଧାରଣ ପରିବାରର ଏହି ଦୁଇ ଝିଅଙ୍କ ସଂଘର୍ଷର କାହାଣୀ ଏବେ ସମସ୍ତଙ୍କ ପାଇଁ ପ୍ରେରଣା ପାଲଟିଛି । ୟୁପିଏସସି ପାଇଁ ପ୍ରସ୍ତୁତି କରୁଥିବା ଅନେକ ପରୀକ୍ଷାର୍ଥୀଙ୍କୁ ପ୍ରେରଣା ଦେବେ ଦୁଇ ଭଉଣୀଙ୍କ ସଫଳତାର କାହାଣୀ ।
