ନୂଆଦିଲ୍ଲୀ, ୧୦/୧୧: ଦୀପାବଳି ପୂର୍ବରୁ ଦିଲ୍ଲୀବାସୀଙ୍କୁ ଏକପ୍ରକାର ଆଶ୍ୱସ୍ତି ମିଳିଛି । ଦିଲ୍ଲୀ-ଏନସିଆରରେ ସାରା ରାତି ହୋଇଛି ଝିପିଝିପି ବର୍ଷା । ପାଗରେ ପରିବର୍ତ୍ତନ ପରେ ତାପମାତ୍ରା ମଧ୍ୟ ଖସିଛି । ଏଥିସହ ପ୍ରଦୂଷଣରୁ ମିଳିଛି ଆଶ୍ୱସ୍ତି । ଦିଲ୍ଲୀର ଅନେକ ଅଞ୍ଚଳରେ ଏୟାର କ୍ୱାଲିଟି ଇଣ୍ଡେକ୍ସ ୪୦୦ରୁ ୧୦୦କୁ ଖସି ଆସିଛି । ଆଜି ମଧ୍ୟ ଦିଲ୍ଲୀରେ ବର୍ଷା ହେବା ସମ୍ଭାବନା ରହିଛି ।

ବହାଦୂରଗଡ଼, ଗୁରୁଗ୍ରାମ, ମାନେସର ସମେତ ଦିଲ୍ଲୀ-ଏନସିଆରର କିଛି ସ୍ଥାନରେ ରାତିରେ ବର୍ଷା ହୋଇଥିବା କହିଛି ପାଣିପାଗ ବିଭାଗ । ଏଥିସହ ହରିୟାଣାର ରୋହତକ ଓ ଅନ୍ୟ ଅଞ୍ଚଳରେ ବର୍ଷା ହୋଇଛି । ଫଳରେ ବାୟୁ ପ୍ରଦୂଷଣ ସ୍ତର ଖସିଛି । 

ବଙ୍ଗୋପସାଗରରେ ଆସୁଛି ଲଘୁଚାପ, ୧୫ରୁ ବର୍ଷା ସମ୍ଭାବନା

ପାଣିପାଗ ବିଭାଗର ଆକଳନ ଅନୁସାରେ, ଶୁକ୍ରବାର ଦିଲ୍ଲୀର ଆକାଶରେ ବାଦଲ ରହିବ ଏବଂ ହାଲକା ବର୍ଷା ହେବାର ସମ୍ଭାବନା ରହିଛି । ଦିଲ୍ଲୀରେ ଗୁରୁବାର ବାୟୁ ପ୍ରଦୂଷଣ ସ୍ତର ହାରାହାରି ୪୩୭ ରହିଥିଲା । ଯାହାକି ଗମ୍ଭୀର ଶ୍ରେଣୀର ପ୍ରଦୂଷଣ । 

ଦିଲ୍ଲୀରେ ବାୟୁ ପ୍ରଦୂଷଣକୁ ଦେଖି ସରକାର କୃତ୍ରିମ ବର୍ଷା କରାଇବାକୁ ପ୍ରସ୍ତୁତି ଆରମ୍ଭ କରିଛନ୍ତି । ନଭେମ୍ବର ୨୦ ଓ ୨୧ରେ ଦିଲ୍ଲୀ ଓ ଆଖପାଖ ଅଞ୍ଚଳରେ କୃତ୍ରିମ ବର୍ଷା କରାଯିବାକୁ ନିଷ୍ପତ୍ତି ବି ହୋଇଛି । ଏଥିପାଇଁ କାନପୁର ଆଇଆଇଟି ସହ ଦିଲ୍ଲୀ ସରକାର ଆଲୋଚନା କରିଥିବା ବେଳେ ଏଥିରେ କୋଟି କୋଟି ଟଙ୍କା ଖର୍ଚ୍ଚ ହେବ ।

ଦ୍ରୁତ ଗତିରେ ଆସି ଡିଭାଇଡରରେ ପିଟିହେଲା ଆମ୍ବୁଲାନ୍ସ, ଡ୍ରାଇଭର୍ ଫେରାର୍

ଏବେ ଦିଲ୍ଲୀରେ ପ୍ରଦୂଷଣକୁ ଦେଖି ଗ୍ରାପର ଚତୁର୍ଥ ପର୍ଯ୍ୟାୟ ଲାଗୁ କରାଯାଇଛି । ବିଦ୍ୟାଳୟ ଗୁଡ଼ିକ ବନ୍ଦ ରହିଥିବା ବେଳେ ଯାନବାହାନ ଚଳାଚଳ ଉପରେ ଲାଗିଛି କଟକଣା । ଅନ୍ୟ ରାଜ୍ୟରେ ପଞ୍ଜିକୃତ ଅନଲାଇନ୍ ଆପ୍ ବେସଡ୍ ଟ୍ୟାକ୍ସି ପ୍ରବେଶ ଉପରେ ପ୍ରତିବନ୍ଧକ ଲଗା ଯାଇଛି ।