ଜେରୁଜେଲମ୍, ୦୪/୧୧: ହମାସ୍-ଇସ୍ରାଏଲ୍ ଯୁଦ୍ଧ ଭିତରେ ଗାଜାରୁ ଆସିଛି ଛାତିଥରା ଖବର । ଯୁଦ୍ଧରେ ଆହତ ହେଉଥିବା ଲୋକଙ୍କୁ ସ୍ଥାନାନ୍ତର ବେଳେ ଇସ୍ରାଏଲର ଏୟାରଷ୍ଟ୍ରାଇକରେ ୧୫ ଜଣଙ୍କ ମୃତ୍ୟୁ ହୋଇଛି । ଉତ୍ତର ଗାଜାରେ ଘଟିଛି ଏହି ଅଘଟଣ । ଏଥିରେ ଆଉ ୬୦ ଜଣ ଆହତ ହୋଇଥିବା ଦାବି କରିଛି ହମାସ୍ ।
ଏହାକୁ ନେଇ ଇସ୍ରାଏଲ୍ କହିଛି, ଆମେ ଆମ୍ବୁଲାନ୍ସକୁ ଚିହ୍ନଟ କରି ଆକ୍ରମଣ କରିଥିଲୁ । ଉକ୍ତ ଆମ୍ବୁଲାନ୍ସକୁ ହମାସ୍ ଆତଙ୍କବାଦୀ ବ୍ୟବହାର କରୁଥିଲେ । ଇସ୍ରାଏଲ୍ ଅନୁସାରେ, ଆକ୍ରମଣରେ ହମାସ୍ ଆତଙ୍କବାଦୀ ନିହତ ହୋଇଛନ୍ତି । ଉକ୍ତ ଆମ୍ବୁଲାନ୍ସ ହମାସ୍ ଆତଙ୍କୀ ଓ ଅସ୍ତ୍ରଶସ୍ତ୍ର ପରିବହନ କରାଯାଉଥିବା ଇସ୍ରାଏଲ୍ ଦାବି କରିଛି ।
୧୫ ଜିଲ୍ଲାକୁ ୟେଲୋ ୱାର୍ଣ୍ଣିଂ, ସନ୍ଧ୍ୟା ୬ଟା ୨୦ ଯାଏ ଘଡ଼ଘଡ଼ି ବର୍ଷା ପାଇଁ ସତର୍କତା
ଅନ୍ୟପଟେ ଇସ୍ରାଏଲ୍-ହମାସ୍ ଯୁଦ୍ଧକୁ ପାଖାପାଖି ମାସେ ବିତିବାକୁ ଯାଉଥିବା ବେଳେ ଆମେରିକା ଅସ୍ତ୍ରବିରତି ପାଇଁ କହିଛି । ତେବେ ଆମେରିକାର ଅନୁରୋଧକୁ ପ୍ରତ୍ୟାଖ୍ୟାନ କରିଛି ଇସ୍ରାଏଲ୍ । ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ କହିଛନ୍ତି, ହମାସ୍ ବନ୍ଧକ ରଖିଥିବା ନାଗରିକଙ୍କୁ ନ ଛାଡ଼ିବା ଯାଏଁ ଇସ୍ରାଏଲ୍ ସମ୍ପୂର୍ଣ୍ଣ ସାମର୍ଥ୍ୟର ସହ ଆକ୍ରମଣ ଜାରି ରଖିବ ।
ଯୁଦ୍ଧ ଭିତରେ ଆମେରିକାର ପ୍ରତିରକ୍ଷା ମନ୍ତ୍ରୀ ଆଣ୍ଟୋନି ବ୍ଲିଙ୍କେନ୍ ତେଲଅଭିଭରେ ତୃତୀୟଥର ଲାଗି ନେତନ୍ୟାହୁଙ୍କୁ ଭେଟିଥିଲେ । ଆଲୋଚନା ବେଳେ ଗାଜାକୁ ମାନବିକ ସହାୟତା ପାଇଁ ବ୍ଲିଙ୍କେନ୍ କହିଥିବା ବେଳେ ନେତନ୍ୟାହୁ ଆମେରିକାର ପ୍ରସ୍ତାବକୁ ଖାରଜ କରି ଦେଇଛନ୍ତି ।
ମୁକେଶ ଅମ୍ବାନୀଙ୍କୁ ହତ୍ୟା ଧମକ ମାମଲା, ତେଲଙ୍ଗାନାରୁ ଯୁବକଙ୍କୁ ଗିରଫ କଲା ପୋଲିସ
ଗାଜାରେ ଏବେବି ଇସ୍ରାଏଲ୍ ପକ୍ଷରୁ ଆକ୍ରମଣ ଜାରି ରହିଛି । ଇସ୍ରାଏଲ୍ ଆକ୍ରମଣରେ ଗାଜାରେ ଏବେ ସୁଦ୍ଧା ୯ ହଜାର ୨୨୭ ଜଣ ଫିଲିସ୍ତିନୀଙ୍କ ମୃତ୍ୟୁ ହୋଇଛି । ଯେଉଁଥିରେ ୩ ହଜାର ୮୨୬ ଛୁଆ ଅଛନ୍ତି । ଅକ୍ଟୋବର ୭ରେ ଇସ୍ରାଏଲ୍ ଉପରେ ହମାସ୍ କରିଥିବା ଅତର୍କିତ ଆକ୍ରମଣରେ ୧୪୦୦ ଜଣଙ୍କ ମୃତ୍ୟୁ ହୋଇଥିଲା ।