ଭୁବନେଶ୍ୱର, ୧୭/୫ : ଆହାର କେନ୍ଦ୍ରରେ ଭାତ, ଡାଲମା ଖାଇଲେ ୭୬ଜଣ ଓଏଏସ (OAS) ଅଧିକାରୀ ପ୍ରଶିକ୍ଷାର୍ଥୀ l ସେମାନଙ୍କର ପ୍ରେରଣା ତାଲିମର ଅଂଶ ସ୍ୱରୂପ ଆଜି ସେମାନେ ଭୁବନେଶ୍ୱରର ବାରମୁଣ୍ଡାସ୍ଥିତ ବାବାସାହେବ ଭୀମରାଓ ଆମ୍ବେଦକର ବସ୍ ଟର୍ମିନାଲରେ ଥିବା ଆହାର କେନ୍ଦ୍ର ପରିଦର୍ଶନ କରିଥିଲେ l ସେମାନେ କେବଳ ସେଠାକାର ଆହାର କେନ୍ଦ୍ରରେ ଦିଆଯାଉଥିବା ପୁଷ୍ଟିକର ଏବଂ ସୁଲଭ ଖାଦ୍ୟକୁ ଉପଭୋଗ କରିନଥିଲେ ବରଂ କେନ୍ଦ୍ରକୁ ଯତ୍ନ ଏବଂ ପ୍ରତିବଦ୍ଧତାର ସହିତ ପରିଚାଳନା କରୁଥିବା ଉତ୍ସର୍ଗୀକୃତ ସ୍ୱୟଂ ସହାୟକ ଗୋଷ୍ଠୀ ସଦସ୍ୟମାନଙ୍କ ସହିତ ଅର୍ଥପୂର୍ଣ୍ଣ ଆଲୋଚନା ମଧ୍ୟ କରିଥିଲେ l ଭବିଷ୍ୟତର ଏହି ନୀତି ନିର୍ଦ୍ଧାରକ ଓଏଏସ ଅଧିକାରୀ ପ୍ରଶିକ୍ଷାର୍ଥୀମାନଙ୍କ ପରିଦର୍ଶନ ସମସ୍ତଙ୍କୁ ଉତ୍ସାହିତ କରିଥିଲା l