ସାଲେପୁର,୦୯/୧୨: ବିଳମ୍ବିତ ରାତିରେ ଶିଶୁଆ ବଜାର ନିକଟରେ ଯୁବକଙ୍କୁ ଧକ୍କା ଦେଲା ଅଜଣା ଗାଡି । ଦୁର୍ଘଟଣାରେ ୩ ବାଇକ୍ ଆରୋହୀ ଆହତ । ଆହତ ହୋଇଥିବା ଯୁବକ ବରଦିଆର ସର୍ବେଶ୍ଵର ସେଠୀ, ଅଜୟ ସେଠୀ, ବରାଦର ପ୍ରମୋଦ ସେଠୀ ବୋଲି ଜଣାପଡ଼ିଛି । କଟକ ସାଲେପୁର ରାସ୍ତାର ସାଲେପୁର ଥାନା ଶିଶୁଆ ବଜାର ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ୩ ଜଣ ଯୁବକ ସାଲେପୁର ରାସ୍ତାରେ ଯାଉଥିଲେ । ଏହି ସମୟରେ ଶିଶୁଆ ବଜାର ନିକଟରେ ଏକ ଅଜଣା ଗାଡ଼ି ୩ ଜଣଙ୍କୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ୩ ଜଣ ଯୁବକ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସାଲେପୁର ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚିଥିଲା । ଅଗ୍ନିଶମ ବାହିନୀ ୩ ଜଣଙ୍କୁ ଉଦ୍ଧାର କରି ସାଲେପୁର ମେଡିକାଲରେ ଭର୍ତ୍ତି କରିଛି । ପୋଲିସ ବାଇକ୍କୁ ଜବତ କରି ଘଟଣାର ତଦନ୍ତ ଚଳାଇଛି ।
