ଧରାକୋଟ,୩।୭ : ଜୁନ ୨୨ ତାରିଖ ରେ ଖାରିଗୁମା ଠାରେ ସିଙ୍ଗିପୁର ଗ୍ରାମର ଦୁଇ ଦଳିତଙ୍କୁ ଅମାନବୀୟ ନିର୍ଯ୍ୟାତନା ଦେବା ମାମଲାରେ ଧରାକୋଟ ପୋଲିସ ଗୁରୁବାର ଆଉ ତିନି ଜଣଙ୍କୁ କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ବଡଗଡ ଥାନା ଅନ୍ତର୍ଗତ ବେଠୁଆର ଗ୍ରାମର ସୁନିଲ୍ ସ୍ବାଇଁ ( ୨୧) , ଆଶିଷ ବରାଡ (୧୯) , ଆସିକା ଥାନା ଅନ୍ତର୍ଗତ ମଙ୍ଗଳପୁର ପଞ୍ଚାୟତ ଅଧିନସ୍ଥ ନବ ରତ୍ନପୁର ଗ୍ରାମର ସନ୍ତୋଷ କୁମାର ପୋଲାଇ ଓରଫ(ରିଟୁ) । ପୂର୍ବରୁ ମୁଖ୍ୟ ଅଭିଯୁକ୍ତ ସମେତ ୧୩ ଜଣଙ୍କୁ ଏହି ଘଟଣାରେ କୋର୍ଟ ଚାଲାଣ କରାଯାଇଥିଲା।
ଏ ଘଟଣା ରେ ଅନ୍ୟ କିଛି ଅଭିଯୁକ୍ତଙ୍କ ସଂପୃକ୍ତି ରହିଥିବା ବେଳେ ସେମାନେ ଫେରାର ରହିଛନ୍ତି । ସଂପୃକ୍ତି ଥିବା ସମସ୍ତ ଅଭିଯୁକ୍ତଙ୍କୁ ଖୁବ୍ ଶୀଘ୍ର ଗିରଫ କରାଯାଇ କୋର୍ଟ ଚାଲାଣ କରାଯିବ ବୋଲି ଆସିକା ଉପଖଣ୍ଡ ଅଧିକାରୀ ସନ୍ତୋଷ ଜେନା କହିଛନ୍ତି।
