ଆଠଗଡ,୦୯/୧୨: ଦେଶୀ ମଦ ରାନ୍ଧୁଥିବା ବେଳେ ଝାଜିଆ ଗ୍ରାମରେ ବଡ଼ମ୍ବା ପୋଲିସ ପକ୍ଷରୁ ଚଢ଼ାଉ । ଚଢାଉରେ ୪୦ ଲିଟର ପୋଚ ଏବଂ ୧୪ ଲିଟର ଦେଶୀ ମଦ ଜବତ ହେବା ସହ ଜଣେ ମହିଳାଙ୍କୁ ଗିରଫ କରାଯାଇଛି । ଏହି ଦେଶୀ ମଦର ଆନୁମାନିକ ମୂଲ୍ୟ ୧୦ ହାଜର ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡ଼ିଛି । କଟକ ଜିଲ୍ଲା ଆଠଗଡ଼ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବଡ଼ମ୍ବା ଅଞ୍ଚଳରେ ଦେଶୀ ମଦ କାରବାର ଦିନକୁ ଦିନ ବଢୁଥିବା ବେଳେ ଏନେଇ ବଡ଼ମ୍ବା ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଉକ୍ତ ଅଞ୍ଚଳରେ ରେଡ୍ କରିଥିଲା । ଏହି ଚଢାଉ ସମୟରେ ଜଣେ ମହିଳା ଦେଶୀ ମଦ ରାନ୍ଧୁ ଥିଲେ । ଉକ୍ତ ମହିଳାଙ୍କୁ ପୋଲିସ ଗିରଫ କରିବା ସହ ଘଟଣା ସ୍ଥଳରୁ ୪୦ ଲିଟର ପୋଚ ଏବଂ ୧୪ ଲିଟର ଦେଶୀ ମଦ ଜବତ କରଛି । ଜବତ ହୋଇଥିବା ଦେଶୀ ମଦର ଆନୁମାନିକ ମୂଲ୍ୟ ୧୦ ହାଜର ଟଙ୍କାରୁ ଉର୍ଦ୍ଧ୍ୱ ହେବ ବୋଲି ବଡ଼ମ୍ବା ଥାନା ଅଧିକାରୀ ସୂଚନା ଦେଇଛନ୍ତି।
