ଭୁବନେଶ୍ୱର, ୨୭।୧୧: ଆଜୀବନ କଏଦୀଙ୍କୁ ମିଳିଲା ମୁକ୍ତି । ମଙ୍ଗଳବାର ସମ୍ୱିଧାନ ଦିବସରେ ରାଜ୍ୟର ବିଭିନ୍ନ ଜେଲ୍ରେ ଆଜୀବନ ସଜା କାଟୁଥିବା ୧୪ ଜଣ କଏଦୀଙ୍କୁ ମଙ୍ଗଳବାର ମୁକ୍ତ କରିଛି ଜେଲ୍ ବିଭାଗ । ସେମାନେ ହେଲେ ରାଉରକେଲା କାରାଗାରରୁ ମଧୁସୂଦନ ବଦାଳିକ, ରାଜେନ୍ଦ୍ର ଭୂୟାଁ । ଜାମୁଝରି ମୁକ୍ତାକାଶ କାରାଗାରରୁ ଜଗା ପ୍ରସ୍କା, ନରସିଂହ ମୁଣ୍ଡା ଓ ଦେନୁ ମୁଣ୍ଡା । କୋରାପୁଟରୁ ବାଗ କୱାସି, ହରି ପ୍ରସ୍କା, ନାଙ୍ଗା ମାଢ଼ୀ ଓ ପଦିଆ କୱାସି । ସମ୍ବଲପୁରରୁ ଅର୍ଜୁନ ଜୟପୁରିଆ, ଭୁବନେଶ୍ୱର ଝାରପଡ଼ା ଜେଲ୍ରୁ ଟୁଙ୍ଗୁରୁ ଦିଗି, ଫୁଲବାଣୀରୁ ଜଳେଶ୍ୱର ପ୍ରଧାନ, ବଣାଇଗଡ଼ ବୁନ୍ଦା ମୁଣ୍ଡା ଓ ଦେବଗଡ଼ ଯୋଗୀନ୍ଦ୍ର ପ୍ରଧାନ ।
ଏ ସମସ୍ତ କଏଦୀ ହତ୍ୟା, ଦୁଷ୍କର୍ମ ଓ ଡକାୟତି ଭଳି ସଙ୍ଗୀନ ମାମଲାରେ ଆଜୀବନ ସଜା କାଟୁଥିଲେ । ଉକ୍ତ କଏଦୀମାନଙ୍କ ଆଚରଣ ମାର୍ଜିତ ହେବା ଦେଖି କାରଗାର ବିଭାଗ ସେଣ୍ଟେନ୍ସ ରିଭ୍ୟୁ ବୋର୍ଡକୁ ସେମାନଙ୍କ ନାମ ସୁପାରିସ କରିଥିଲା । ବୋର୍ଡ ଏହାକୁ ବିଚାର କରି ରାଜ୍ୟପାଳଙ୍କ ପାଖକୁ ପଠାଇଥିଲା । ସେଠାରୁ ଅନୁମତି ମିଳିବା ପରେ ସେମାନଙ୍କୁ ଛଡ଼ାଯାଇଛି । ଏହା ଛଡ଼ା ବିଭିନ୍ନ ଜେଲ୍ରେ ବିଚାରଧୀନ ଥିବା ଆଉ ୧୧ ଜଣଙ୍କୁ ଛୁଟିରେ ଛାଡ଼ିଛି ଜେଲ୍ ବିଭାଗ ।
