ନୂଆଦିଲ୍ଲୀ,୨୬।୬: କର୍ଣ୍ଣାଟକର ଏମ୍ଏମ୍ ହିଲ୍ସ ବନ୍ୟଜୀବ ଅଭୟାରଣ୍ୟରେ ୫ ବାଘଙ୍କ ମୃତ୍ୟୁ। ଏହି ଘଟଣା ପରେ ସୃଷ୍ଟି ହୋଇଛି ଆତଙ୍କ। ମୃତ ବାଘଙ୍କ ଭିତରେ ବାଘୁଣୀ ଓ ତା’ର ୪ ଶାବକ ଥିବା ନେଇ କୁହାଯାଉଚି। ପ୍ରାରମ୍ଭିକ ଯାଞ୍ଚ ପରେ ମୃତ୍ୟୁର କାରଣ ବିଷ ଦିଆଯାଇଥିବା ବୋଲି ଜଣାପଡିଛି। ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ପ୍ରକୃତ କଥା ଜଣାପଡିବ।
ଚାମରାଜନଗର ସର୍କଲର ମୁଖ୍ୟ ବନ ସଂରକ୍ଷକ ଟି.ହୀରାଲାଲ କହିଛନ୍ତି ବାଘୁଣୀ ଓ ତା’ର ଶାବକଙ୍କ ମୃତଦେହ ମିନିୟମର ହ୍ୟୁଗମ ରେଞ୍ଜରେ ମିଳିଛି। ଏହା ଏମ୍ଏମ୍ ହିଲ୍ସ ଅଭୟାରଣ୍ୟର ଅଂଶ ରହିବ। ସେ କହିଛନ୍ତି, ଏହି ମାମଲା ବିଷ ଦିଆଯାଇଥିବା ନେଇ ଜଣାପଡିଛି। ଏହା ନିଶ୍ଚିତ ରୂପରେ ପ୍ରାକୃତିକ ମୃତ୍ୟୁ ନୁହେଁ।’
କୁହାଯାଉଛି ଯେ, ବାଘୁଣୀ ହୁଏତ ପାଖ ଗାଁରେ ଥିବା ଗାଈର ଶିକାର କରିଥିଲା। ଏହାର ମାଂସ ଜଙ୍ଗଲକୁ ନେଇ ଖାଇଥିଲା। ଆଶଙ୍କା ରହିଛି ଯେ, କିଛି ଗ୍ରାମବାସୀ ମାଂସରେ ବିଷ ଦେଇ ସେଇଠି ଛାଡି ଦେଇଥିଲେ, ଯାହାକୁ ବାଘୁଣୀ ଓ ତା’ର ଶାବକ ପରେ ଖାଇବା ଫଳରେ ତାଙ୍କର ମୃତ୍ୟୁ ହୋଇଥିଲା। କର୍ଣ୍ଣାଟକ ସରକାର ମାମଲାକୁ ଗମ୍ଭୀରତାର ସହ ନେଇ ତିନି ଦିନ ଭିତରେ ରିପୋର୍ଟ ଦାଖଲ କରିବାକୁ କହିଛନ୍ତି। ଏହା ସହ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।
