ଫିରିଙ୍ଗିଆ,୨୦l୬ (ଆପ୍ର): ଗତ କିଛିଦିନ ତଳେ କାଳବୈଶାଖୀ ଫିରିଙ୍ଗିଆ ଅଞ୍ଚଳରେ ତାଣ୍ଡବ ରଚିଥିଲା। କାଳବୈଶାଖୀର ପ୍ରଭାବରେ ଆଜି ଗୋଟିଏ ପରିବାରର ତିନି ସଦସ୍ୟ ସମ୍ପୂର୍ଣ୍ଣ ବାସହରା ହୋଇ ପର ପିଣ୍ଡାରେ ରାତି କାଟୁଛନ୍ତି ।

କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଲୁଇସିଂ ପଂଚାୟତ ଭାଟୁଲୁ ଗ୍ରାମର ଜିତ ମଲ୍ଲିକ ନିଜ  ସ୍ତ୍ରୀ ଓ ଝିଅକୁ   ନେଇ ଏକ ଝାଟିମାଟି କୁଡ଼ିଆରେ ଦିନ କାଟୁଥିଲେ । ଅନେକ ବର୍ଷର ଖଟଣି ପରେ ସେଥିରୁ କିଛି ସଂଚୟ କରି ଘରଟିଏ ଗଢି ତୋଳିବାରେ ସକ୍ଷମ ହୋଇ ପାରିଥିଲା ଜିତୁ । ହେଲେ କାଳବୈଶାଖୀ ଆସି ଜିତର ଘରକୁ ସମ୍ପୂର୍ଣ୍ଣ ଭାଙ୍ଗି ଦେଇଥିଲା ।ବର୍ତ୍ତମାନ ଜିତ ଓ ତା ପରିବାର ପର ପିଣ୍ଡାରେ ମୁଣ୍ଡ ଗୁଂଜୁଛନ୍ତି ।

ଘର ଭାଙ୍ଗିଥିବା ଖବର ପାଇବା କ୍ଷଣି ଲୁଇସିଂ ସରପଞ୍ଚ ସୁଦର୍ଶନ କହଁର ଭାଟୁଲୁ ଗ୍ରାମରେ ପହଂଚି ଜିତଙ୍କ ପରିବାରକୁ ଆଶ୍ୱାସନା ଦେବା ସହ ଆର ଆଇଙ୍କୁ ଫୋନ କରି ଘଟଣା ସମ୍ପର୍କରେ ଜଣେଇଥିଲେ ।ସରପଞ୍ଚଙ୍କ ଠାରୁ ଘଟଣା ସମ୍ପର୍କରେ ଜାଣିବା ପରେ  ଭାଟୁଲୁ ଗ୍ରାମରେ ପହଂଚି ଜିତଙ୍କ ଘରର ସ୍ଥିତି ଅନୁଧ୍ୟାନ କରି ସଂଗେ ସଂଗେ ଏକ ଜରିପାଳ ପ୍ରଦାନ କରିବା ସହିତ ପ୍ରଶାସନକୁ ଜଣେଇ ତାର ବ୍ୟବସ୍ଥା କରିବେ ବୋଲି ପ୍ରତିଶ୍ରୁତି ଦେଇଥିଲେ ।ଆଗକୁ ମୌସୁମୀର ଆଗମନ ଥିବାରୁ ରହଣି ପାଇଁ ପରିବାର ଲୋକେ ବଡ଼ ଚିନ୍ତାରେ ଅଛନ୍ତି ।ପ୍ରଶାସନ ଏହି ନିରାଶ୍ରୟ ପରିବାରର ଯଥାଶୀଘ୍ର ଥଇଥାନ କରିବାକୁ  ଦାବୀ କରିଛନ୍ତି ।

ଆହୁରି ପଢନ୍ତୁ : ସ୍କୁଟି ଡିକି ଭାଙ୍ଗି ଏକ ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ