ନୂଆଦିଲ୍ଲୀ ୨୬/୦୪: ଆମକୁ ସୁସ୍ଥ ରଖିବା ସହ ରୋଗରୁ ରକ୍ଷା କରିବା ଦିଗରେ ରୋଗ ପ୍ରତିରୋଧକ ଶକ୍ତି ବା ଇମ୍ୟୁନିଟିର ସିଷ୍ଟମ୍ର ପ୍ରମୁଖ ଯୋଗଦାନ ରହିଛି । ମଜବୁତ୍ ରୋଗ ପ୍ରତିରୋଧକ ଶକ୍ତି ଭୂତାଣୁ ଓ ବ୍ୟାକ୍ଟେରିଆଠାରୁ ରକ୍ଷା କରିବା ସହ ବ୍ୟକ୍ତିକୁ ସୁସ୍ଥ ରଖିଥାଏ । କିନ୍ତୁ ଅନେକ କାରଣରୁ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇପଡିଥାଏ । ତେବେ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଛି ବୋଲି କେମିତି ଜାଣିବେ?
ରୋଗ ପ୍ରତିରୋଧକ ଶକ୍ତି ବ୍ୟକ୍ତିକୁ ସୁସ୍ଥ ରଖିବାରେ ପ୍ରମୁଖ ଭୂମିକା ଗ୍ରହଣ କରିଥାଏ । ଦୁର୍ବଳ ରୋଗ ପ୍ରତିରୋଧକ ଶକ୍ତି ଥିବା ବ୍ୟକ୍ତିଠାରେ ପ୍ରାୟ ସମୟରେ ବିଭିନ୍ନ ରୋଗ ଯେପରିକି ଥଣ୍ଡାକାଶ ଲାଗି ରହିଥାଏ । ଅନେକ ସମୟରେ ଏହାର ଲକ୍ଷଣ ବ୍ୟକ୍ତିର ଶରୀରରେ ଦେଖିବାକୁ ମିଳିଥାଏ, ଯାହାକୁ ଅଣଦେଖା କରିବା ଅନୁଚିତ୍ । ରୋଗ ପ୍ରତିରୋଧକ ଶକ୍ତି ବ୍ୟକ୍ତିକୁ ଭୂତାଣୁ ଓ ବ୍ୟାକ୍ଟେରିଆଠାରୁ ସୁରକ୍ଷା ଦେବା ସହ ବିଭିନ୍ନ ରୋଗରୁ ରକ୍ଷା କରିଥାଏ ।
ଅବଶ୍ୟ ଦୁର୍ବଳ ଇମ୍ୟୁନିଟି ସିଷ୍ଟମକୁ ମଜଭୂତ କରିପାରିବେ । ଏହାଦ୍ୱାରା ବହୁ ରୋଗରୁ ନିଜକୁ ସୁରକ୍ଷିତ ରଖିପାରିବେ । ତେବେ ବ୍ୟକ୍ତିର ରୋଗ ପ୍ରତିରୋଧକ ଶକ୍ତି ଦୁର୍ବଳ ଅଛି ବୋଲି ଜାଣିବା ଆଦୌ ସହଜ ନୁହେଁ । କୌଣସି ରୋଗ ହେଲେ ଯେପରି ତା’ର ଲକ୍ଷଣ ଦେଖିବାକୁ ମିଳିଥାଏ । ଠିକ୍ ସେମିତି ରୋଗ ପ୍ରତିରୋଧକ ଶକ୍ତି ଦୁର୍ବଳ ହେଲେ ଶରୀରରେ ଅନେକ ଲକ୍ଷଣ ଦେଖାଦେଇଥାଏ । ଚାଲନ୍ତୁ ଜାଣିବା କ’ଣ ରହିଥାଏ ଲକ୍ଷଣ?
ବାରମ୍ବାର ସଂକ୍ରମଣ ଯଦି ଆପଣ ବାରମ୍ବାର ସର୍ଦ୍ଦି,କାଶ ବା ଅନ୍ୟ ସଂକ୍ରମଣର ଶିକାର ହେଉଥାନ୍ତି, ତେବେ ଏହା ଦୁର୍ବଳ ରୋଗ ପ୍ରତିରୋଧକ ଶକ୍ତିର ଲକ୍ଷଣ ହୋଇଥାଇପାରେ ।
କ୍ଷତ ନ ଶୁଖିବା ଯଦି ଆପଣଙ୍କ ଶରୀରରେ କୌଣସି କାରଣରୁ ଖଣ୍ଡିଆଖାବରା ବା କ୍ଷତ ହୋଇଥାଏ । କିନ୍ତୁ ଅଧିକ ସମୟ ଯାଏ ଠିକ୍ ହୋଇପାରୁନାହିଁ । ତେବେ ବୁଝିବା ଦରକାର ଯେ ଏହା ହୁଏତ ଦୁର୍ବଳ ରୋଗ ପ୍ରତିରୋଧକ ଶକ୍ତିର ଲକ୍ଷଣ ହୋଇଥାଇପାରେ । କାରଣ ରୋଗ ପ୍ରତିରୋଧକ ଶକ୍ତି ଯେକୌଣସି କ୍ଷତକୁ ପୂରଣ କରିବାର କ୍ଷମତା ରଖିଥାଏ । ଯଦି ଏହା ନ ହୁଏ, ତେବେ ଏହା ଦୁର୍ବଳ ହୋଇପଡିଥିବା ବୁଝିବାକୁ ପଡିବ।
ଥକାପଣ କେବେ କେବେ ଥକା ଲାଗିବା ସାଧାରଣ କଥା । କିନ୍ତୁ ଯଦି ସବୁବେଳେ ଥକାପଣ ଅନୁଭବ ହେଉଥାଏ, ତେବେ ବୁଝିବାକୁ ପଡିବ ଯେ କୌଣସି ଅର୍ନ୍ତନିହିତ ସ୍ଥିତି କାରଣରୁ ହେଉଛି । ହୁଏତ ଦୁର୍ବଳ ଇମ୍ୟୁନିଟି ସିଷ୍ଟମ୍ ଯୋଗୁ ଏପରି ହେଉଥିବ ।
ଅଟୋଇମ୍ୟୁନ୍ ରୋଗ ଯଦି କୌଣସି ଅଟୋଇମ୍ୟୁନ୍ ରୋଗ ରହିଥାଏ, ତେବେ ବୁଝିବା ଦରକାର ଯେ ଦୁର୍ବଳ ରୋଗ ପ୍ରତିରୋଧକ ଶକ୍ତି ଯୋଗୁ ଶରୀରର ଟିସୁଗୁଡିକ ଶରୀର ଉପରେ ଓଲଟା ଆକ୍ରମଣ କରୁଛନ୍ତି ।
ତ୍ୱଚା ସମସ୍ୟା କିଛି ତ୍ୱଚା ସମସ୍ୟା ବାରମ୍ବାର ଦେଖାଦେଇଥାଏ । ଯେପରିକି ଏଗ୍ଜିମା ବା ବାରମ୍ବାର ଥଣ୍ଡାସର୍ଦ୍ଦି ହେବା ମଧ୍ୟ ଦୁର୍ବଳ ରୋଗ ପ୍ରତିରୋଧକ ଶକ୍ତିର ଲକ୍ଷଣ ।
ଜ୍ୱର ବର୍ଷକୁ ଥରେ ଜ୍ୱର ହେବା ସାଧାରଣ । କିନ୍ତୁ ବାରମ୍ବାର ଜ୍ୱର ହେବା ଆଦୌ ସାଧାରଣ କଥା ନୁହେଁ ବରଂ ଏହା ସଂଙ୍କେତ ଦେଇଥାଏ ଯେ ଶରୀର ସଂକ୍ରମଣ ସହ ଲଢୁଛି । ଶରୀରରେ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇପଡିଛି ।
ପାଚନ ସମ୍ବନ୍ଧୀୟ ସମସ୍ୟା ଶରୀରର ପ୍ରତିରକ୍ଷା ପ୍ରଣାଳୀର ଏକ ବଡ଼ ଅଂଶ ପାଚନ ପ୍ରକ୍ରିୟା ସହ ଜଡ଼ିତ । ସେଥିପାଇଁ ଯଦି ଆପଣ ବାରମ୍ବାର ପାଚନ ସମ୍ବନ୍ଧୀୟ କୌଣସି ସମସ୍ୟାର ଶିକାର ହେଉଥାନ୍ତି । ତେବେ ଏହା ହୁଏତ ଦୁର୍ବଳ ରୋଗ ପ୍ରତିରୋଧକ ଶକ୍ତିର କାରଣ ହୋଇପାରେ ।
