ଆସନ୍ତାକାଲି ଅର୍ଥାତ ଶୁକ୍ରବାର ଦିନ ପାଳନ ହେଉଛି ଅକ୍ଷୟ ତୃତୀୟା ଉତ୍ସବ । ଅକ୍ଷୟ ତୃତୀୟା ଦିନ ଉଭୟ ସୂର୍ଯ୍ୟ ଏବଂ ଚନ୍ଦ୍ର ସେମାନଙ୍କର ଉଚ୍ଚ ରାଶିରେ ରହିବେ । ତେଣୁ ଏହି ଦିନଟି ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ଏହି ଦିନ ବିବାହ, ଧାର୍ମିକ ଅନୁଷ୍ଠାନ, ଗୃହ ପ୍ରବେଶ, ଜପ-ତପ ଏବଂ ପୂଜାପାଠ ବିଶେଷ ଫଳପ୍ରଦ ହୋଇଥାଏ । ଏହି ଦିନ ସୁନା, ରୂପା, ପୋଷାକ, ଅଳଙ୍କାର, ଘର ଏବଂ ଯାନ କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ଏବେ ଆସନ୍ତୁ ଜାଣିବା ଅକ୍ଷୟ ତୃତୀୟା ଦିନ ସୁନା କିଣିବାର ଶୁଭ ସମୟ କ’ଣ ?
ଅକ୍ଷୟ ତୃତୀୟାରେ ସୁନା କିଣିବା ପାଇଁ ଶୁଭ ସମୟ…
ସକାଳ: ୫.୩୩ ରୁ ପୂର୍ବାହ୍ନ ୧୦.୩୭
ମଧ୍ୟାହ୍ନ: ୧୨.୧୮ ରୁ ଅପରାହ୍ନ ୦୧.୫୯
ସନ୍ଧ୍ୟା ୪.୫୬ ରୁ ରାତ୍ର ୧୦.୫୯
ସୂଚନାଥାଉକି ଅକ୍ଷୟ ତ୍ରୁତୀୟା ଦିନ ସ୍ବୟଂ ସିଦ୍ଧ ମୂହୁର୍ତ୍ତ ହୋଇଥାଏ, ଅର୍ଥାତ୍ ଏହି ଦିନଟି ଯେକୌଣସି ପ୍ରକାରର ସପିଂ ପାଇଁ ଅତ୍ୟନ୍ତ ଶୁଭ ଅଟେ । ଏହି ଶୁଭ ସମୟରେ ଆପଣ ଘର କିମ୍ବା ଅଫିସ୍ ପାଇଁ ଯେ କୌଣସି ଜିନିଷ କିଣି ପାରିବେ ।
ବିଶ୍ୱାସ ଅନୁଯାୟୀ, ଅକ୍ଷୟ ତୃତୀୟା ଦିନ ସୁନା କିଣିବା ଦେବୀ ଲକ୍ଷ୍ମୀଙ୍କୁ ଘରକୁ ଆସିବାର ସଙ୍କେତ ଦେଇଥାଏ ଏବଂ ତାଙ୍କ ଆଶୀର୍ବାଦ ସବୁବେଳେ ରହିଥାଏ । ଏହି ଦିନ ଘର କିମ୍ବା ଗାଡି କିଣିବା ପାଇଁ ମଧ୍ୟ ଶୁଭ ବୋଲି ବିବେଚନା କରାଯାଏ ।
ଏଥର ଅକ୍ଷୟ ତୃତୀୟା ଦିନ ସୁକର୍ମା ଯୋଗ ଏବଂ ରବି ଯୋଗ ମଧ୍ୟ ଅଛି, ଯେଉଁଥିପାଇଁ ଏହି ଦିନର ଗୁରୁତ୍ୱ ଆହୁରି ବଢିଛି । ତଥାପି, ଯଦିଓ ଆପଣ ଏହି ଦିନ ସୁନା କିଣିବାକୁ ସକ୍ଷମ ନୁହଁନ୍ତି, ତେବେ ଆପଣ ଏହି ଦିନରେ ଏପରି ଅନେକ ଜିନିଷ କିଣିପାରିବେ ଯାହା ଆପଣଙ୍କ ଧନ ବୃଦ୍ଧି କରିବ ।
ଅକ୍ଷୟ ତୃତୀୟା ଦିନ, ସୁନା, ଘର, ଯାନ ବ୍ୟତୀତ ଆପଣ ତମ୍ବା କିମ୍ବା ପିତ୍ତଳ ବାସନ, ସୈନ୍ଧବ ଲୁଣ, ପାତ୍ର, ଦୀପ, ଗାଇ କିଣି ଘରକୁ ଆଣିପାରିବେ । ଏଗୁଡ଼ିକ ମଧ୍ୟ ସୁନା କିମ୍ବା ରୂପା କିଣିବା ସହିତ ସମାନ ବୋଲି ବିବେଚନା କରାଯାଏ ।