ନୂଆଦିଲ୍ଲୀ,୧୨/୧୨: ଏଣିକି ଜୋମାଟୋ,ସ୍ବିଗି ଭଳି କ୍ବିକ୍ ଫୁଡ୍ର ସେବା ଯୋଗାଇବ ଜେପ୍ଟୋ । କେବଳ ୧୦ ମିନିଟରେ ଡ଼େଲିଭରୀ ହେବ ଫୁଡ଼। ଏନେଇ ଖୁବଶୀଘ୍ର କ୍ବିକ୍ କମର୍ସ କମ୍ପାନୀ ଲଞ୍ଚ କରିବାକୁ ଯାଉଛି 'ଜେପ୍ଟୋ କାଫେ ଆପ୍' । ଜେପ୍ଟୋ କୋ-ଫାଉଣ୍ଡର ଓ ସିଇଓ ଆଦିତ୍ ପଲିଚ଼ା ସୋସିଆଲ ମିଡ଼ିଆ ଏକ୍ସରେ ଏନେଇ ଘୋଷଣା କରିଛନ୍ତି । ଆସନ୍ତା ସପ୍ତାହରେ ଏହି ଜେପ୍ଟୋ କାଫେ ଆପର ଲଞ୍ଚ ହେବା ନେଇ ସେ କହିଛନ୍ତି ।
ସୂଚ଼ନା ମୁତାବକ, ଜେପ୍ଟୋ କାଫେ ନାମକ ଏକ ଅଲଗା ଆପ୍ ମାଧ୍ୟମରେ ଲୋକମାନେ ଫୁଡ଼ ଡେଲିଭରୀ ସର୍ଭିସର ଫାଇଦା ପାଇପାରିବେ । ସେହିପରି ଗ୍ରାହକମାନେ ଜେପ୍ଟୋ ଆପ୍ ମାଧ୍ୟମରେ ମଧ୍ୟ କଫି , ସାଣ୍ଡଓ୍ବିଚ୍ ଓ ଅନ୍ୟାନ୍ୟ ଖାଦ୍ୟ ଅର୍ଡ଼ର କରିପାରିବାର ମଧ୍ୟ ବିକଳ୍ପ ରହିଛି। କୁହାଯାଉଛି ଯେ, କମ୍ପାନୀର ଏହି ନିଷ୍ପତି ଡେଲିଭରୀ ମାର୍କେଟିଂରେ ନୂଆ ମୋଡ଼ ନେବ। ଏହା ଜୋମାଟୋ ଓ ବ୍ଲିଂକିଟ୍ ଭଳି ବ୍ୟବହାର କରାଯାଇପାରିବ । ଏନେଇ କମ୍ପାନିର ସହପ୍ରତିଷ୍ଠାତା ସୋସିଆଲ ମିଡ଼ିଆ ଏକ୍ସ ପୋଷ୍ଟ କରି ଲେଖିଛନ୍ତି , ଆମେ ଆମର ଜେପ୍ଟୋ କାଫେ ପାଇଁ ଅଲଗା ଆପ୍ ଆସନ୍ତା ସପ୍ତାହରେ ଲଞ୍ଚ କରିବାକୁ ଯାଉଛି। ଯଦିଓ ପ୍ରଥମ ଦିନରେ ଏହା ଭଲ ନ ଚାଲିପାରେ କିନ୍ତୁ ଏହାକୁ ଯଥାଶୀୀଘ୍ର ଲଞ୍ଚ କରିବା ଜରୁରୀ ଅଟେ । ଆମେ ଗୋଟିଏ ମାସେ ମଧ୍ୟରେ ୧୦୦ ରୁ ଅଧିକ କାଫେ ଲଞ୍ଚ କରିବୁ ।
ପ୍ରକାଶ ଥାଉକି, ଆମାଜନ ଇଣ୍ଡିଆ ମଧ୍ୟ କ୍ବିକ୍ କମର୍ସ ସେକ୍ଟରରେ ଏଣ୍ଟ୍ରି କରିବାକୁ ଯାଉଛି । ଯାହାଦ୍ବାରା କେବଳ ୧୫ ମିନିଟ୍ ମଧ୍ୟରେ ଜିନିଷର ଡ଼େଲିଭରୀ କରାଯିବ । ଇକମର୍ସ ସେକ୍ଟର ବଡ଼ କମ୍ପାନୀ ଆମାଜନ ବର୍ତ୍ତମାନ ବ୍ଲିଂକିଟ୍, ସ୍ବିଗି, ଇନଷ୍ଟାଗ୍ରାମ, ବିଗବାସ୍କେଟକୁ ଟକ୍କର ଦେବାକୁ ଯାଉଛି । ଏମାନଙ୍କ ଭଳି ଆମାଜନ ମଧ୍ୟ ଡ଼େଲିଭରୀ ସର୍ଭିସରେ ସାମିଲ ହେବାକୁ ଯାଉଛି ।
