ସୋର, ୨୬/୦୬: ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ଖଇରା ବଜାରରୁ ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି । ପାନ ଦୋକାନୀର ମାଡ଼ରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ । ମୃତକ ଖଇରା ପଞ୍ଚାୟତ ପୁରୁଷୋତ୍ତମପୁର ଗାଁର ଜୟକୃଷ୍ଣ ସାହୁ ବୋଲି ଜଣାପଡିଛି ।
ସୂଚନା ମୁତାବକ, କିଛି ଦିନ ତଳେ ଜୟକୃଷ୍ଣଙ୍କ ଠାରୁ ବସନ୍ତ କିଛି ଟଙ୍କା ଉଧାର ଆକାରରେ ଆଣିଥିଲେ । ସୋମବାର ବିଳମ୍ବିତ ରାତିରେ ବସନ୍ତ ବେହେରାଙ୍କ ପାନ ଦୋକାନକୁ ଜୟକୃଷ୍ଣ ସାହୁ ଯାଇଥିଲେ । ଉଧାର ଟଙ୍କାକୁ ନେଇ ଜୟକୃଷ୍ଣଙ୍କ ସହ ପାନ ଦୋକାନୀଙ୍କର ବଚସା ହୋଇଥିଲା । ପରେ ଦୋକାନୀ ଜୟକୃଷ୍ଣକୁ ମାଡ଼ ମାରି ତଳେ ପକାଇ ଦେଇଥିଲେ । ସ୍ଥାନୀୟ ଲୋକେ ଜୟକୃଷ୍ଣଙ୍କୁ ଘଟଣାସ୍ଥଳରୁ ଉଦ୍ଧାର କରି ତୁରନ୍ତ ଖଇରା ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣା ପରେ ଖଇରା ପୁଲିସ ଘଟଣାସ୍ଥଳରେ ପହଞ୍ଚି ଦୋକାନୀ ଓ ସେଠାରେ ଥିବା ଅନ୍ୟ ସହଯୋଗୀଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।
