ବାଙ୍ଗିରିପୋଷି,୧୪/୧୧: ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି ।ବସ ଓ ବାଇକ ମଧ୍ୟରେ ମୁହାଁ ମୁଁହି ଧକ୍କା ହେବା ଫଳରେ ଜଣେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। 

ପ୍ରାପ୍ତ ସୂଚନା ମୁତାବକ,  ଯୋଶଦା ନାମକ ଏକ ବସ ଦ୍ୱାରଶୁଣି ଘାଟି ପଟୁ ବାଙ୍ଗିରିପୋଷି ବସଷ୍ଟାଣ୍ଡ ଅଭିମୁଖେ ଆସୁଥିଲା। ବାଙ୍ଗିରିପୋଷି କଲିକତା ଛକ ନିକଟରେ ବାଇକ କୁ ଧକ୍କା ଦେଇ ଘୋଷାଡି ନେଇଥିଲା ବସ।  ଫଳରେ ବାଇକ୍ ରେ ଥିବା ତିନି ଜଣ ମଧ୍ୟରୁ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଦୁଇ ଗୁରୁତର ହୋଇଛନ୍ତି। ମୃତକ ସ୍ଥାନୀୟ ଅଞ୍ଚଳର ଯୁବକ ବୋଲି ଜଣାପଡିଛି । ବାଙ୍ଗିରିପୋଷି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।