ରାୟଗଡା , ୨୧।୧ : ରାୟଗଡା ରେଳ ଷ୍ଟେସନରେ ଅଭାବନୀୟ ଘଟଣା। ଠିଆ ହୋଇଥିବା ମାଲଗାଡି ଉପରେ ଚଢିଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ଜିଅନ୍ତା ଜଳିଗଲେ ଜଣେ ବ୍ୟକ୍ତି। ମୃତ ବ୍ୟକ୍ତି ଜଣକ ହେଲେ ନୂଆପଡା ଜିଲ୍ଲା ରାଜଖାରିଆର ଥାନା ଅନ୍ତର୍ଗତ ବଡନାଳ ଗାଁର ନରସିଂହ କାଣ୍ଡ।
ନୂଆପଡା ଜିଲ୍ଲା ରାଜଖାରିଆର ଥାନା ଅନ୍ତର୍ଗତ ବଡନାଳ ଗାଁର ନରସିଂହ ସିକନ୍ଦରବାଦରେ ଦାଦନ ଖଟି ଘରକୁ ଫେରୁଥିଲେ। ରାୟଗଡା ରେଳ ଷ୍ଟେସନରେ ଠିଆ ହୋଇଥିବା ମାଲଗାଡି ଉପରେ ଚଢିଥିଲେ। ଏହି ସମୟରେ ଉଚ୍ଚ କ୍ଷମତା ସମ୍ପର୍ଣ୍ଣ ରେଳଲାଇନ ବିଦ୍ୟୁତ ସଂସ୍ପର୍ଶରେ ଆସି ନରସିଂହ ଜଳିଯାଇଥିଲେ। ନରସିଂହଙ୍କୁ ଗୁରୁତର ଅବସ୍ଥାରେ ଆରପିଏଫ ପୋଲିସ ଉଦ୍ଧାର କରି ରାୟଗଡା ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
