ଦାରିଙ୍ଗବାଡି,୧୨/୬ : ପ୍ରେମ-ଏଡୁକୋ, ଆଇସିଡିଏସ ଓ ବ୍ଲକ ଶିଶୁ ସୁରକ୍ଷା କମିଟିର ମିଳିତ ଆନୁକୁଲ୍ୟରେ ଦାରିଙ୍ଗବାଡି ଠାରେ ବିଶ୍ଵ ଶିଶୁ ଶ୍ରମିକ ବିରୋଧୀ ଦିବସ ପାଳନ ହୋଇଛି । ବ୍ଲକ ପରିସରରୁ ସଚେତନ ରଥର ଶୁଭାରମ୍ଭ କରାଯାଇଛି । ଶୁଭାରମ୍ଭ କାର୍ଯ୍ୟକ୍ରମରେ ବିଡିଓ ପ୍ରୀତି ରଞ୍ଜନ ରଥ, ତହସିଲଦାର ଧିରଜ ପାତ୍ର, ସିଡିପିଓ ସନ୍ଧ୍ୟାରାଣୀ ପଣ୍ଡା, ସରପଞ୍ଚ ଚନ୍ଦ୍ରିକା ମଲିକ, ବନାଞ୍ଚଳ ଅଧିକାରୀ ମାଧବ ଚନ୍ଦ୍ର ବେହେରା,ଏସଆଇ ଲକ୍ଷ୍ମୀ ମାଝୀ, ମଣ୍ଡଳ ସଭାପତି ମିଟୁ ସାହୁ ପ୍ରମୁଖ ଉପସ୍ଥିତ ରହି ପତାକା ଦେଖାଇ ସଚେତନତା ରଥର ଶୁଭାରମ୍ଭ କରିଛନ୍ତି । 

ଉକ୍ତ ରଥ ଦାରିଙ୍ଗବାଡି ବ୍ଲକ ଅଞ୍ଚଳରେ ଶିଶୁ ଶ୍ରମିକ ବିରୋଧ ନେଇ ୨୦ ଦିନ ବ୍ୟାପୀ ଗାଁ ଗାଁ ବୁଲି ସଚେତନ କରିବ । ଶିଶୁ ଶ୍ରମିକକୁ ନା କହିବା, ପାଠ ପଢ଼ିବାକୁ ହଁ କହିବା, ମା ମାଉସୀ ଏକ ହେବା, ଶିଶୁ ଶ୍ରମିକକୁ ବନ୍ଦ କରିବା, ଶିଶୁଙ୍କୁ ପଢାଅ ଶିଶୁଙ୍କୁ ବଞ୍ଚାଅ, ଶିଶୁ ଶ୍ରମିକ ହଟାଅ, ଶିଶୁ ସ୍କୁଲ ପଠାଅ ଭଳି ନାରା ଦେଇ ଦାରିଙ୍ଗବାଡି ପରିକ୍ରମା କରିଥିଲା ।  ପ୍ରେମ- ଏଡୁକୋର ପ୍ରକଳ୍ପ ପରିଚାଳକ ସୁଧୀର ଦିଗାଲ, ଜିଲ୍ଲା ସଂଯୋଜକ ଦିଲୀପ ପଣ୍ଡା, ଯୋଗାଯୋଗ ଅଧିକାରୀ ହିମାନି ଦାସଙ୍କ ସମେତ ସୁପରଭାଇଜର, ଅଙ୍ଗନବାଡ଼ି କର୍ମୀ ପ୍ରମୁଖ ଉପସ୍ଥିତ ଥିଲେ।