ଭଞ୍ଜନଗର,୨୭/୭(ଆପ୍ର): ଏକ ଚାଉଳ ବୋଝେଇ ଅଟୋରେ ଚାପି ହୋଇ ଘର ବାରଣ୍ଡାରେ ବସିଥିବା ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି। ଏଭଳି ଏକ ଘଟଣା ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ଗାଙ୍ଗପୁର ବନ୍ଧ ସାହି ରେ ଘଟିଛି। ବୃଦ୍ଧା ଜଣକ ହେଲେ କମା ଡାକୁଆ।
ସାହି ଭିତରେ ଏକ ଚାଉଳ ବୋଝେଇ ଡାଲା ଅଟୋ ଗାଡିଟିକୁ ସାମାନ୍ୟ ପଛକୁ ଘୁଞ୍ଚାଇବା ବେଳେ ଅସାବଧାନତାରୁ ସେହି ସାହିର ଘର ବାରଣ୍ଡାରେ ବସିଥିବା ରତନା ଡାକୁଆଙ୍କ ପତ୍ନୀ କମା ଡାକୁଆ ଚାପି ହୋଇଯାଇଥିଲେ। ଏଥିରେ ସେ ଗୁରୁତର ଆହତ ହୋଇଥିଲେ। ପରେ ପରିବାର ଲୋକମାନେ ତାଙ୍କୁ ୧୦୮ ଆମ୍ବୁଲାନ୍ସରେ ଭଞ୍ଜନଗର ମେଡିକାଲକୁ ଆଣିଥିଲେ। ଏଠାରେ ଚିକିତ୍ସାଧୀନ ଅବସ୍ଥାରେ ରାତିରେ ମୃତ୍ୟୁ ଘଟିଛି। ଏନେଇ ମେଡିକାଲ କର୍ତ୍ତୃପକ୍ଷ ଗାଙ୍ଗପୁର ଥାନାକୁ ସୂଚନା ଦେଇଛନ୍ତି।
