ନୂଆଦିଲ୍ଲୀ,୨।୫: ଗତ କିଛି ଦିନ ହେବ ସୋସିଆଲ ମିଡିଆରେ ଲୋକ ଖାଲି ପେଟରେ ଗୋଟେ ଚାମଚ ଦେଶୀ ଘିଅ ଖାଇବାର ଲାଭ ବିଷୟରେ କହୁଥିବାର ଦେଖିଥିବେ। ଏଥିରେ ବଡ ବଡ ବଲିଉଡ ହିରୋଇନଙ୍କଠାରୁ ନେଇ ସୋସିଆଲ ମିଡିଆ ଇନଫ୍ଲୁଏନ୍ସର ମଧ୍ୟ ଅଛନ୍ତି। ଉଲ୍ଲେଖନୀୟ ଯେ, ଏହି ଟ୍ରେଣ୍ଡ ଏମିତି ଖାଲିରେ ପପୁଲାର ହୋଇ ନାହିଁ, ବଂର ଘିଅ ବହୁ ପୁରୁଣା ସମୟ ହେବ ଦେହ ପାଇଁ ଖୁବ୍ ଲାଭଦାୟକ ବୋଲି କୁହାଯାଉଛି। ବହୁ ବର୍ଷ ପୂର୍ବେ କେବଳ ଘିଅରେ ହିଁ ରୋଷେଇ ହେଉଥିଲା, ଯାହାଫଳରେ ଲୋକଙ୍କର ସ୍ବାସ୍ଥ୍ୟ ଭଲ ରହୁଥିଲ। ଏଥିରେ ଥିବା ଓମେଗା ୩ ଫ୍ୟାଟି ଏସିବ ଓ ଭିଟାମିନ୍ ଏ ଆମ ଦେହ ପାଇଁ ଖୁବ୍ ଲାଭଦାୟକ ଥିଲା।
ଘିଅ ବ୍ୟୁଟେରିକ୍ ଏସିଡ୍ରେ ପରିପୂର୍ଣ୍ଣ,ଯାହାକି ଶରୀରର ରୋଗ ସହିତ ଲଢୁଥିବା ଟି-କୋଷିକାର ଉତ୍ପାଦନ କରିବାରେ ସାହାଯ୍ୟ କରିଥାଏ। ତେଣୁ ଏହାର ସେବନ ଆପଣଙ୍କ ଶରୀରର ରୋଗ ପ୍ରତିରୋଧକ କ୍ଷମତାକୁ ବଢାଇବାରେ ସାହାଯ୍ୟ କରିଥାଏ। ଘିଅ ପୋଷକ ତତ୍ତ୍ବରେ ପରିପୂର୍ଣ୍ଣ। ଏହା ପେଟ ଓ ପାଚନକୁ ମଜବୁତ କରିଥାଏ। ପ୍ରତିଦିନ ସକାଳେ ଖାଲି ପେଟରେ ଗୋଟେ ଚାମଚ ଘିଅ ଖାଇବା ଫଳରେ ପାଚଳନ ଶକ୍ତି ବଢିଥାଏ। ଘିଅ ଖାଇବା ପେଟ ପାଇଁ ବହୁତ ଭଲ। ପୁରୁଣା ସମୟରେ ଆମର ପୂର୍ବ-ପୁରୁଷ ନିଜର ଖାଦ୍ୟରେ ଗୋଟେ ଚାମଚ ଘିଅ ଖାଉଥିଲେ। ଏହାଦ୍ବାରା ପେଟ ଠିକ୍ ରହୁଥିଲା ଓ ଅଲସର ଏବଂ କ୍ୟାନସର ଭଳି ରୋଗର ବିପଦ ମଧ୍ୟ କମ୍ ହେଉଥିଲା।
ଘିଅ ଖାଇବା ଫଳରେ ଓଜନ ନିୟନ୍ତ୍ରଣରେ ରହିବାରେ ସାହାଯ୍ୟ ମିଳିଥାଏ। ଘିଅ ପେଟର ଚର୍ବିକୁ କମ୍ କରିବାରେ ସାହାଯ୍ୟ କରିଥାଏ, କାରଣ ଏଥିରେ ମେଟାବଲିଜିମ୍ ବଢିଥାଏ ଯାହାକି ଶରୀର ଚର୍ବି ନଷ୍ଟ କରିବାରେ ସାହାଯ୍ୟ କରିଥାଏ। ସକାଳେ ଖାଲି ପେଟରେ ଘିଅ ଖାଇବା ଫଳରେ ଭୋକ କନଟ୍ରୋଲରେ ରହିଥାଏ, ଯାହାଫଳରେ ଆମେ ବାରମ୍ବାର ଖାଦ୍ୟ ଖାଇନଥାଉ। ତା ଛଡା ଘିଅ ସ୍କିନ୍ ପାଇଁ ଖୁବ୍ ଲାଭଦାୟକ। ଏଥିରେ ଥିବା ଭିଟାମିନ୍ ସ୍କିନ୍କୁ ଟାଇଟ୍ କରିଥାଏ। ଚେହେରାରେ ଲଗାଇବା ଫଳରେ ଏହାର ଚମକ ବଢିଯାଇଥାଏ। ତା ଛଡା କେଶ ପାଇଁ ମଧ୍ୟ ଘିଅ ଭଲ। ଏଥିରେ ମଶ୍ଚରାଇଜିଂ ଗୁଣ ରହିଥାଏ। ଘିଅ ହାଡକୁ ମଧ୍ୟ ଶକ୍ତି ଦେଇଥାଏ। କାରଣ ଘିଅରେ ଭିଟାମିନ୍ କେ’ ପ୍ରଚୁର ମାତ୍ରାରେ ରହିଥାଏ। ଯାହାକି କ୍ୟାଲସିୟମ୍ ଅବଶୋଷଣରେ ସାହାଯ୍ୟ କରିଥାଏ।