ମୁମ୍ବାଇ,୧୩/୧୧ :  ଭେଟରାନ ଅଭିନେତା ମୁକେଶ ଖନ୍ନା ପୁଣି ଥରେ ‘ଶକ୍ତିମାନ‘ନେଇ ଆସୁଛନ୍ତି । ସେ ନିକଟରେ ଏହି ବିଷୟରେ ଅଫିସିଆଲ ଟିଜର ବି ସେୟାର କରିଛନ୍ତି । ଏହା ଦେଶର ପ୍ରଥମ ସୁପରହିରୋ ଶୋ ଥିଲା । ଏହା ମଧ୍ୟରେ ମୁକେଶ ଖନ୍ନାଙ୍କ ସେହି ବୟାନ ଖୁବ୍ ଭାଇରାଲ୍ ହେବାରେ ଲାଗିଛି । ଯେତେବେଳେ ସେ କହିଥିଲେ କି ସେ କାହିଁକି ଆଜି ପର୍ଯ୍ୟନ୍ତ ବିବାହ କରିନାହାନ୍ତି । ମୁକେଶ ଖନ୍ନା ୬୬ବର୍ଷର ହୋଇଗଲେଣି କିନ୍ତୁ ଆଜି ବି ସେ ଅବିବାହିତ ଅଛନ୍ତି । ଆସୁନ୍ତୁ ଜାଣିବା ସେ କାହିଁକି ବିବାହ କରିନାହାନ୍ତି ।

ମୁକେଶ ଖନ୍ନା ଟିଭିରୁ ନେଇ ଫିଲ୍ମରେ କାମ କରିଛନ୍ତି । ବହୁ ହିରୋଇନଙ୍କ ସହ ବି ସ୍କ୍ରିନ ସେୟାର କରିଛନ୍ତି କିନ୍ତୁ ସେ ଏଭଳି ଜଣେ ଷ୍ଟାର୍ କେବେ ବି କୌଣସି ହିରୋଇନଙ୍କ ସହ ନାଁ ଯୋଡ଼ି ହୋଇନାହିଁ । ମୁକେଶ ଖନ୍ନା ଇଣ୍ଡଷ୍ଟ୍ରିରେ ବହୁ ଦିନରୁ ରହିଛନ୍ତି କିନ୍ତୁ କେବେ କୌଣସି ଆଫେୟର କିମ୍ବା ଲଭଷ୍ଟୋରୀ ଭଳି କାହାଣୀ ତାଙ୍କ ସହ ଯୋଡ଼ି ହୋଇଥିବା ସାମ୍ନାକୁ ଆସି ନାହିଁ । 

କିଛି ଲୋକ ତ ତାଙ୍କ ବିଷୟରେ ଏହା ବି କହିବା ଆରମ୍ଭ କରି ଦେଇଥିଲେ କି ସେ ଟିଭିରେ ଭୀଷ୍ମ ପିତାମହଙ୍କ ଭୂମିକା ନିଭାଇଥିଲେ ସେବେଠାରୁ ସେ ବ୍ରହ୍ମଚର୍ଯ୍ୟ ଜୀବନ ବିତାଇବାକୁ ଶପଥ ନେଇଥିଲେ । କିଛି ଦିନ ପୂର୍ବରୁ ‘ଶକ୍ତିମାନ’ ସରିୟଲରେ ତାଙ୍କ କୋଷ୍ଟାର ଥିବା ବୈଷ୍ଣବୀ ମହତ୍ନ କହିଥିଲେ କି ମୁକେଶ ଖନ୍ନା ସବୁବେଳେ ମହିଳାଙ୍କଠାରୁ ଦୂରେଇ ରହୁନ୍ତି ।  ଏଭଳି ସୁଟିଂ ସମୟରେ କୌଣସି ବି ମହିଳାଙ୍କୁ ନା ସେ ଆଲିଙ୍ଗନ କରନ୍ତି ନା ପାଦ ଛୁଇଁବାକୁ ଦେଉଥିଲେ । ସେ ମହିଳାମାନଙ୍କୁ ସମ୍ମାନ କରିଥାନ୍ତି ।

କିନ୍ତୁ ଗୋଟିଏ ଥର ନିଜେ ମୁକେଶ ଖନ୍ନା ବିବାହ ନ କରିବା ନିଷ୍ପତ୍ତିକୁ ନେଇ ରିଆକ୍ଟ କରିଥିଲେ । ସେତେବେଳେ ସେ ଏହା ସ୍ପଷ୍ଟ କରିଥିଲେ କି ଏଭଳି କେବେ ବି ନୁହେଁ କି ସେ ଭୀସ୍ମର ଚରିତ୍ର ନିଭାଇବା ଏବଂ ଶପଥ ନେବା ଭଳି କିଛି ଥିଲା । ଏହା କେବଳ ଚର୍ଚ୍ଚା ।