ନୂଆଦିଲ୍ଲୀ : ଦିଲ୍ଲୀରେ ବୁଧବାର ସର୍ବନିମ୍ନ ତାପମାତ୍ରା ୯.୩ ଡିଗ୍ରୀ ସେଲସିୟସ ରେକର୍ଡ କରାଯାଇଛି, ଯାହା ଏହି ପାଣିପାଗର ହାରାହାରି ତାପମାତ୍ରାରୁ ୧.୮ ଡିଗ୍ରୀ ଅଧିକ। ହେଲେ ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର (ଆଇଏମଡି) ଅନୁସାରେ , ଦିଲ୍ଲୀରେ ବାଦଲର ଗର୍ଜନ ସହ ବର୍ଷା ହେବାର ସମ୍ଭାବନା ରହିଛି। ଆଇଏମଡି ଅନୁସାରେ , ସର୍ବାଧିକ ତାପମାତ୍ରା ୨୪ ଡିଗ୍ରୀ ସେଲସିୟସର ଆଖପାଖରେ ରହିବାର ସମ୍ଭାବନା ରହିଛି।
ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର (ଆଇଏମଡି)ର ବୈଜ୍ଞାନିକ ଡା. ସୋମା ସେନ ରାୟ ଦିଲ୍ଲୀ ଓ ଉତ୍ତର ଭାରତରେ ହଠାତ୍ ଗରମ ବଢିବାର କାରଣ କହିଛନ୍ତି। ସେ କହିଛନ୍ତି , ଆଜି ସକାଳେ ଦିଲ୍ଲୀର ସର୍ବନିମ୍ନ ତାପମାତ୍ରା ପାଖାପାଖି ୧୨ ଡିଗ୍ରୀ ସେଲସିୟସ ରହିଛି। ଏହି ବୃଦ୍ଧି ଏକ ଦୃଢ ପଶ୍ଚିମା ଝଡ଼ ଓ ଦକ୍ଷିଣୀ ବାୟୁ ପ୍ରବାହ ଯୋଗୁଁ ଦିଲ୍ଲୀ ଯାଏ ପହଞ୍ଚିବା କାରଣରୁ ହୋଇଛି।
ସେ ଏହା ମଧ୍ୟ କହିଛନ୍ତି କି, ଉତ୍ତର ଭାରତର ତାପମାତ୍ରାରେ ୧-୨ ଡିଗ୍ରୀ ସେଲସିୟସର ବୃଦ୍ଧି ହୋଇପାରେ। ହେଲେ ଦିଲ୍ଲରେ ତାପମାତ୍ରାରେ ଆହୁରି ବୃଦ୍ଧି ହେବାର ସମ୍ଭାବନା ନାହିଁ। ସେ କହିଛନ୍ତି, ଦୁଇ ଦିନ ପରେ ୨୪ ଜାନୁଆରୀର ସକାଳ ଠାରୁ ତାପମାତ୍ରାରେ ଧିରେ ଧିରେ ହ୍ରାସ ଆସିପାରେ, କାରଣ ପଶ୍ଚିମା କ୍ଷେତ୍ରରୁ ହଟି ଯିବ।
ମୌସୁମୀ ବିଭାଗ ଅନୁସାରେ , ପଞ୍ଜାବ, ହରିଆଣା,ପଶ୍ଚିମୀ ଉତ୍ତର ପ୍ରଦେଶ , ଦିଲ୍ଲୀ –ଏନସିଆର ଓ ଉତ୍ତରୀ ରାଜସ୍ଥାନରେ ଆଜି ଓ ୨୩ ଜାନୁଆରୀରେ ବର୍ଷା ହୋଇପାରେ। ସେପଟେ , ଉତ୍ତର ପ୍ରଦେଶ , ବିହାର , ଝାଡ଼ଖଣ୍ଡ , ପଶ୍ଚିମବଙ୍ଗ ଓ ଓଡ଼ିଶାରେ ଘନ କୁହୁଡ଼ିର ପ୍ରଭାବ ଜାରି ରହିବ। ଦିଲ୍ଲୀରେ ବାୟୁର ଗୁଣବତ୍ତାର ସ୍ତର ଖରାପ ଶ୍ରେଣୀରେ ରହିଛି।
