ମହାରାଷ୍ଟ୍ର, ୨୨/୧ : ମହାରାଷ୍ଟ୍ରର ଜଲଗାଓଁ ନିକଟରେ ବଡ଼ଧରଣର ଦୁର୍ଘଟଣା । ଟ୍ରେନରେ ନିଆଁ ଲାଗିବା ଶୁଣି ଡେଇଁ ପଡ଼ିଲେ ଯାତ୍ରୀ । ଫଳରେ ଯାତ୍ରୀଙ୍କ ଉପରେ ଅନ୍ୟପଟୁ ଆସୁଥିବା ଟ୍ରେନ୍ ଚଢିଗଲା । ଏହି ଦୁର୍ଘଟଣା ମହାରାଷ୍ଟ୍ରର ଜଲଗାଓଁର ପରାଣ୍ଡା ରେଲଓ୍ବେ ଷ୍ଟେଶନ ନିକଟରେ ଘଟିଛି । ଏଠାରେ ପୁଷ୍ପକ ଏକ୍ସପ୍ରେସରେ ନିଆଁ ଲାଗିବାର ଖବର ସାମ୍ନାକୁ ଆସିଥିଲା । ପରେ ସେଠାରେ ଦୌଡ଼ାଦୌଡ଼ି ହେବାକୁ ଲାଗିଲେ ଯାତ୍ରୀ । ଟ୍ରେନରୁ ଯାତ୍ରୀମାନେ ଡେଇଁ ପଡ଼ିଥିଲେ । ଏହାପରେ ଅନ୍ୟ ଟ୍ରାକରେ ଯାଉଥିବା କର୍ଣ୍ଣାଟକ ଏକ୍ସପ୍ରେସ ଯାତ୍ରୀଙ୍କୁ ମାଡ଼ି ଦେଇଛି ।
ଏହି ଘଟଣା ମୁମ୍ବାଇ ଯାଉଥିବା ପୁଷ୍ପକ ଏକ୍ସପ୍ରେସ ଜଲଗାଓଁ ଏବଂ ପରାଣ୍ଡା ଷ୍ଟେଶନ ମଧ୍ୟରେ ହୋଇଛି । ପୁଷ୍ପକ ଏକ୍ସପ୍ରେସରେ ନିଆଁ ଲାଗିବାର ଗୁଜବ ପରେ ଯାତ୍ରୀମାନେ ଭୟଭୀତ ହୋଇ ଟ୍ରେନରୁ ଡେଇଁ ପଡ଼ିଥିଲେ। ଏହାପରେ ଅନ୍ୟପଟୁ ଟ୍ରାକରେ ଆସୁଥିବା କର୍ଣ୍ଣାଟକ ଏକ୍ସପ୍ରେସ ଟ୍ରେନ କେତେକ ଲୋକଙ୍କ ଉପରେ ମାଡ଼ି ଯାଇଛି । ଏହି ଘଟଣାରେ ୮ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଏଥିରେ ଅନେକ ଯାତ୍ରୀ ଗୁରୁତର ହୋଇପଡ଼ିଥିବା ଜଣାପଡ଼ିଥିବାବେଳେ ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ଉଦ୍ଧାର କାର୍ଯ୍ୟ ଜାରି ରହିଛି ।
କୁହାଯାଉଛି ଯେ, ପୁଷ୍ପକ ଏକ୍ସପ୍ରେସ୍ ପରାଣ୍ଡା ରେଳ ଷ୍ଟେସନ ନିକଟରେ ଆସୁଥିଲା। ଏହି ସମୟରେ ଟ୍ରେନ୍ ମୋଟରମ୍ୟାନ୍ ବ୍ରେକ୍ ଲଗାଇଥିଲେ ଏବଂ ଚକରୁ ସ୍ପାର୍କିଂ ବାହାରିବାକୁ ଲାଗିଲା। ଫଳରେ, ଯାତ୍ରୀମାନଙ୍କ ମଧ୍ୟରେ ଏକ ଗୁଜବ ବ୍ୟାପିଗଲା ଯେ ଟ୍ରେନରେ ନିଆଁ ଲାଗିଛି ଏବଂ ଭୟଭୀତ ଲୋକମାନେ କୋଚରୁ ଡେଇଁ ପଡ଼ିବା ଆରମ୍ଭ କରିଦେଇଥିଲେ।
ଜଣେ ରେଳ ଅଧିକାରୀଙ୍କ ଅନୁସାରେ, ମହାରାଷ୍ଟ୍ରର ଜଲଗାଓଁ ଜିଲ୍ଲାରେ ଟ୍ରେନ୍ ଧକ୍କାରେ କିଛି ଲୋକଙ୍କ ମୃତ୍ୟୁ ହେବାର ଆଶଙ୍କା କରାଯାଉଛି। ଜଲଗାଓଁ ଜିଲ୍ଲାରେ, ଚେନ୍ ଟାଣିବା ପରେ ଟ୍ରାକରେ ଓହ୍ଲାଇଥିବା ଗୋଟିଏ ଟ୍ରେନର ଯାତ୍ରୀଙ୍କୁ ଅନ୍ୟ ଏକ ଟ୍ରେନ୍ ଚାପି ଦେଇଛି । ଜିଲ୍ଲା ପ୍ରଶାସନ ଏବଂ ରେଳବାଇ ଟିମକୁ ଘଟଣାସ୍ଥଳକୁ ପଠାଯାଇଛି।
