ଖପ୍ରାଖୋଲ, ୧୬/୬(ଆପ୍ର): ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ମାଟିଆଭଟା ପଞ୍ଚାୟତ କାର୍ଯ୍ୟାଳୟରେ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ଲୋକାଭିମୁଖୀ ଯୋଜନାର ସଫଳତାର ସଚେତନତା ବାର୍ତ୍ତା ବାଣ୍ଟୁଥିବା ବିକାଶ ବାହନ ରଥକୁ ଭବ୍ୟ ସ୍ଵାଗତ କରାଯାଇଥିଲା।
ସ୍ଥାନୀୟ ସରପଞ୍ଚ ସନ୍ତୋଷିନି ବରିହାଙ୍କ ଅଧ୍ୟକ୍ଷତାରେ ଏହି ଅବସରରେ ଏକ ବିଭିନ୍ନ ବିଭାଗର ବିକାଶ ପ୍ରଦର୍ଶନୀ ବିଭିନ୍ନ ବିଭାଗର ନୂତନ ହିତାଧିକାରୀଙ୍କୁ ଅନ୍ତୋଦୟ ଗୃହ ଯୋଜନାରେ କାର୍ଯ୍ୟାଦେଶ, ନିର୍ମାଣ ଶ୍ରମିକ ପରିଚୟ ପତ୍ର, ମାଟି ସ୍ୱାସ୍ଥ୍ୟ କାର୍ଡ, କିସାନ କ୍ରେଡିଟ କାର୍ଡ, ମାଣ୍ଡିଆ ବିହନ, ବାର୍ଦ୍ଧକ୍ୟ ଭତ୍ତା, ଚାରା ଆଦି ବଣ୍ଟନ କରିଥିଲେ।
କାର୍ଯ୍ୟକ୍ରମରେ ମୂଖ୍ୟ ଅତିଥି ରୂପେ ବିଡ଼ିଓ ବିବେକାନନ୍ଦ ଷଡ଼ଙ୍ଗୀ, ଉପ ମୁଖ୍ୟମନ୍ତ୍ରୀଙ୍କ ବ୍ଲକ ପ୍ରତିନିଧି ପଦ୍ମ କୁମାର ସିଂ ବରିହା, ଯୋଗାଣ ଅଧିକାରୀ ବିକାଶ ଵାର୍ଲା, ସାମାଜିକ ସୁରକ୍ଷା ଅଧିକାରୀ କନିଷ୍କ ବିଭାର, ଜିପିଡିଓ ପରମେଶ୍ୱର ନାଏକ, ଏପିଓ ପ୍ରଶାନ୍ତ କୁମାର ସାହୁ, ଭାଜପା ବ୍ଲକ୍ ସଭାପତି ଉମାକାନ୍ତ ପ୍ରଧାନ, ଗଣ ମାଧ୍ୟମ ପ୍ରତିନିଧି ଅଭୟ ତ୍ରିପାଠୀ, ଉଦ୍ୟାନ କୃଷି ଅଧିଦର୍ଶକ ପି ପଟେଲ ସମେତ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ରହି ସରକାରଙ୍କ ଯୋଜନା ସମ୍ପର୍କରେ ଅବଗତ କରିଥିଲେ। ସେହିପରି ମାଗଣା ସ୍ଵାସ୍ଥ୍ୟ ଶିବିର ଅନୁଷ୍ଠିତ ହୋଇଥିଲା।
