ନୂଆଦିଲ୍ଲୀ : ଉତ୍ତର ଭାରତରେ ଥଣ୍ଡା ଧିରେ ଧିରେ ହ୍ରାସ ପାଇବାରେ ଲାଗିଛି। ଦିନର ଖରା ଯୋଗୁଁ ଆଶ୍ୱସ୍ତି ମିଳିଛି। ଏହି ମଧ୍ୟରେ ପାଣିପାଗ ବିଭାଗ ଚେତାବନୀ ଦେଇଛି କି, ୨୯ ଜାନୁଆରୀ ଓ ଏକ ଫେବ୍ରୁଆରୀରେ ଦୁଇଟି ନୂଆ ୱେଷ୍ଟର୍ନ ଡିଷ୍ଟବାର୍ନ୍ସ ଆସିବାକୁ ଯାଉଛି, ଯେଉଁଥିରେ ପାଣିପାଗର ମିଜାଜ ବଦଳି ଯିବ। ୨୯ରୁ ଏକ ଫେବ୍ରୁଆର ମଧ୍ୟରେ ଉତ୍ତର ପଶ୍ଚିମ ଭାରତରେ ବର୍ଷାର ସମ୍ଭାବନା ଅଛି। ଏହା ବ୍ୟତୀତ, ତାମିଲନାଡୁ ,ପୁଡୁଚେରୀ, କରାଇକଲ , କେରଳ, ମାହେ, ତଟୀୟ ଆନ୍ଧ୍ର ପ୍ରଦେଶ , ୟନମ, ରାୟଲ ସୀମା ଆଦିରେ ଆଗାମୀ ଦୁଇ ଦିନରେ ବର୍ଷା ହୋଇ ପାରେ।
ଗତ ୨୪ ଘଣ୍ଟାର ପାଣିପାଗ କଥା ଯଦି କହିବା ତ, ହିମାଚଳ ପ୍ରଦେଶ, ହରିଆଣା ପଞ୍ଜାବରେ ଶୀତଲହରି ଚାଲିଛି। ସେଠାପେ ପୂର୍ବୀୟ ୟୁପି, ଓଡ଼ିଶା ,ଆସାମ, ମେଘାଳୟ , ସବ୍ ହିମାଳୟୀ ପଶ୍ଚିମ ବଙ୍ଗ, ତ୍ରିପୁରାରେ ଘନ କୁହୁ଼ଡ଼ି ଦେଖିବାକୁ ମିଳିଛି।
ପାଣିପାଗ ବିଭାଗ କହିଛି କି, ଦୁଇଟି ନୂଆ ୱେଷ୍ଟର୍ନ ଡିଷ୍ଟର୍ବାନ୍ସ କାରଣରୁ ୨୯ ଜାନୁଆରୀରୁ ୧ ଫେବ୍ରୁଆରୀ ମଧ୍ୟରେ ପାହାଡିଆ ରାଜ୍ୟ ଓ ୩୦ ଜାନୁଆରୀରୁ ୧ଫେବ୍ରୁଆରୀ ଯାଏ ଉତ୍ତର ଭାରତର ମୈଦାନୀ ଅଞ୍ଚଳରେ ବର୍ଷା ହେବ। ଏହି ସମୟରେ ଉତ୍ତର ପଶ୍ଚିମ ଭାରତରେ ସର୍ବନିମ୍ନ ତାପମାତ୍ରା ୫-୧୦ ଡିଗ୍ରୀ ସେଲସିୟସ ମଧ୍ୟରେ ରହିଛି। ମୈଦାନୀ ଅଞ୍ଚଳରେ ଆଜି ସବୁଠୁ କମ୍ ତାପମାତ୍ରା ୩.୬ ଡିଗ୍ରୀ ସେଲସିୟସ ରାଜସ୍ଥାନର ଚୁରୁରେ ରେକର୍ଡ କରାଯାଇଛି। ଏହା ବ୍ୟତୀତ ଆଗାମୀ ଦୁଇ ଦିନ ଯାଏ ଉତ୍ତର ପଶ୍ଚିମ , ମଧ୍ୟ ଓ ମହାରାଷ୍ଟ୍ରରେ ସର୍ବନିମ୍ନ ତାପମାତ୍ରାରେ କୌଣସି ବଡ଼ ପରିବର୍ତ୍ତନ ହେବ ନାହିଁ। କିନ୍ତୁ ଏହାପରେ ଏଥିରେ ଦୁଇରୁ ୪ ଡିଗ୍ରୀ ତାପମାତ୍ରା ଆହୁରି ବଢି ଯିବ।
ପୂର୍ବ ଭାରତରେ ଆଗାମୀ ୩ ଦିନ ପରେ ଦୁଇରୁ ୪ଡିଗ୍ରୀ ସେଲସିୟସ୍ ତାପମାତ୍ରା ବଢିଯିବ। ଏହା ବ୍ୟତୀତ ହିମାଚଳ ପ୍ରଦେଶ , ଉତ୍ତରାଖଣ୍ଡ , ରାଜସ୍ଥାନ ,ପଞ୍ଜାବରେ ୨୬ ଓ ୨୭ ଜାନୁଆରୀରେ ଶୀତଲହରୀ ଚାଲିବାର ଅନୁମାନ ଅଛି। ଉତ୍ତର ପ୍ରଦେଶ , ଓଡ଼ିଶା , ଆସାମ,ମେଘାଳୟ, ନାଗାଲ୍ୟାଣ୍ଡ ମଣିପରୁ ,ମିଜୋରାମ, ତ୍ରିପୁରାରେ ୨୮ଜାନୁଆରୀ ଯାଏ ଘନ କୁହୁଡ଼ି ଦେଖିବାକୁ ମିଳିବ। ସେପଟେ ବିହାରରେ ୨୯ ଜାନୁଆରୀ ଯାଏ ଘନ କୁହୁଡ଼ି ରହିବ।
