ବଲାଙ୍ଗୀର, ୨୬/୧ : ମନ୍ଦିର ଜମି ଜବରଦଖଲ ଉଚ୍ଛେଦକୁ ନେଇ ତୁମୁଳକାଣ୍ଡ । ଏଭଳି ଏକ ଘଟଣା ଘଟିଛି ବଲାଙ୍ଗୀର ଜିଲ୍ଲା ଲୋଇିସଂହା ଥାନା ଅଧୀନରେ। ଲୋଇସିଂହା ଥାନା ଅଧୀନରେ ଥିବା ଶ୍ରୀ ଯୋଗେଶ୍ବର ମନ୍ଦିରରେ ଉଚ୍ଛେଦର ପ୍ରତିବାଦରେ ଥାନା ଆଇଆଇସିଙ୍କ ସହ ବଲାଙ୍ଗୀର ସଦର SDPOଙ୍କୁ ଅଟକ ରଖିଲେ ଉତ୍ୟକ୍ତ ଗ୍ରାମବାସୀ ।

ସୂଚନା ଅନୁସାରେ, ସ୍ଥାନୀୟ ଗତକାଲି ମନ୍ଦିର ପରିସରରେ ଥିବା ଏକ ଦୋକାନ ଭାଙ୍ଗିବା ସହ ଉଚ୍ଛେଦ ହୋଇଥିଲା। ଯାହାର ପ୍ରତିବାଦ କରି ଦୋକାନୀ ଜଣକ ଥାନାକୁ ଆସିଥିଲେ । ହେଲେ ଏହି ସମୟରେ କିଛି ଗ୍ରାମବାସୀ ଦୋକାନ ଜାଳି ଦେଇଥିଲେ । ଯାହା ପରେ ମାମଲା ଆହୁରି ବିଗିଡ଼ିଥିଲା । ଘଟଣାରେ ପୋଲିସ ୬ଜଣକୁ ଗିରଫ କରିଥିଲା।

ଏହାପରେ ଗ୍ରାମବାସୀ ପ୍ରତିବାଦ କରିବା ସହ ଆଜି ଘଟଣାସ୍ଥଳରେ ପହଞ୍ଚିଥିବା ଆଇଆଇସି ଯାଜ୍ଞସେନୀ ନାଏକ ଏବଂ ବାଲାଙ୍ଗୀର ଏସଡିପିଓ ପ୍ରଦୀପ ସାହୁଙ୍କୁ ଅଟକ ରଖିଛନ୍ତି ଉତ୍ୟକ୍ତ ଗ୍ରାମବାସୀ।