ନୂଆଦିଲ୍ଲୀ,୧୭/୦୬: ଆସନ୍ତା ବର୍ଷ ଫେବ୍ରୁଆରୀ-ମାର୍ଚ୍ଚ ମାସରେ ଆୟୋଜିତ ହେବ ଟି-ଟ୍ୱେଣ୍ଟି ବିଶ୍ୱକପ୍ । ଭାରତ ଓ ଶ୍ରୀଲଙ୍କା ୨୦୨୬ ସଂସ୍କରଣ ଆୟୋଜନ କରିବେ । ବିଶ୍ୱକପ୍ ପୂର୍ବରୁ ଚଳିତ ବର୍ଷ ସେପ୍ଟେମ୍ବର ମାସରେ ଏସିଆ କପ୍ ଆୟୋଜିତ ହେବ । ଯେହେତୁ ଟି-ଟ୍ୱେଣ୍ଟି ବିଶ୍ୱକପ୍ ଆଗକୁ ରହିଛି, ତେଣୁ ଏହି ସଂସ୍କରଣ ଟି-ଟ୍ୱେଣ୍ଟି ଫର୍ମାଟରେ ଖେଳାଯିବ ।
କିନ୍ତୁ ଏ ପର୍ଯ୍ୟନ୍ତ ଏସିଆ କପ୍ ଚଳିତ ବର୍ଷ ଖେଳାଯିବ କି ନାହିଁ ତାହା ସ୍ପଷ୍ଟ ହୋଇ ନାହିଁ । ଟୁର୍ଣ୍ଣାମେଣ୍ଟର ୩ ମାସ ପୂର୍ବରୁ ସୂଚୀ ଚୂଡ଼ାନ୍ତ ହେବା କଥା । ୟୁଏଇ ଏହି ସଂସ୍କରଣ ଆୟୋଜନ କରିବ ବୋଲି କୁହାଯାଉଛି । ମାତ୍ର ଭାରତ ଓ ପାକିସ୍ତାନ ଟୁର୍ଣ୍ଣାମେଣ୍ଟ ଖେଳିବାକୁ ସହମତି ପ୍ରକାଶ ନକଲେ ଏସିଆ କପ୍ ବାତିଲ ହେବ ।
ଜମ୍ମୁ-କାଶ୍ମୀରରେ ପର୍ଯ୍ୟଟକଙ୍କୁ ଆତଙ୍କବାଦୀମାନେ ହତ୍ୟା କରିବା ପରେ ଭାରତ ଓ ପାକିସ୍ତାନ ମଧ୍ୟରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା। ଏହାପରେ ଦୁଇ ଦେଶ ମଧ୍ୟରେ ସଂପର୍କ ଅତି ତିକ୍ତ ହୋଇ ହୋଇ ପଡ଼ିଛି । ଉଭୟ ଦଳ ଏସିଆ କପ୍ ଖେଳିବେ କି ନାହିଁ ତାହା ଉଭୟ ଦେଶର ସରକାରଙ୍କ ଉପରେ ନିର୍ଭର କରୁଛି ।
