ମାଲକାନଗିରି, ୨୮/୧୧ :  ଆସନ୍ତା ଡିସେମ୍ବର ମାସ ୧ ତାରିଖରୁ ୫ ତାରିଖ ପର୍ଯ୍ୟନ୍ତ ଦୀର୍ଘ ପାଞ୍ଚ ଦିନ ଧରି କୋଣାର୍କ  ଚନ୍ଦ୍ରଭାଗା ସମୁଦ୍ରକୂଳରେ ଅନ୍ତର୍ଜାତୀୟ ବାଲୁକା କଳା ଉତ୍ସବ ଓ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଛି । ଏହି ଉତ୍ସବରେ ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲାର ଦୁଇ ଜଣ ଆଦିବାସୀ ଯୁବକ ମୁକା କବାସୀ ଓ କେନି କବାସୀ ଅନ୍ତର୍ଜାତୀୟ ବାଲୁକା କଳା ମହୋତ୍ସବ ୨୦୨୪ରେ ଯୋଗଦେଇ ସେମାନଙ୍କ କଳା କୃତି ପ୍ରଦର୍ଶନ କରିବା ପାଇଁ ମନୋନୀତ ହୋଇଛନ୍ତି । ଓଡ଼ିଶା ପର୍ଯ୍ୟଟନ ବିଭାଗ ଦ୍ବାରା କୋଣାର୍କର ଚନ୍ଦ୍ରଭାଗାଠାରେ ଆୟୋଜିତ ବାଲୁକା କଳା ଏବଂ କୋଣାର୍କ ଶାସ୍ତ୍ରୀୟ ନୃତ୍ୟ ମହୋତ୍ସବ ଅନୁଷ୍ଠିତ ହେବାକୁ ଯାଉଛି। 

ସେହିପରି ବାଲୁକା କଳା ପ୍ରତିଯୋଗିତାରେ ଦେଶର ୨୮ରାଜ୍ୟର ପ୍ରତିଯୋଗୀ ଭାଗ ନେଉଥିବାବେଳେ ଓଡ଼ିଶାର ପ୍ରତି ଜିଲ୍ଲାର ପ୍ରତିଯୋଗୀ ମଧ୍ୟ ଭାଗ ନେବେ ବୋଲି ଜଣାପଡିଛି। ଏହା ସହିତ ବିଦେଶର ସାତରୁ ଆଠ ପ୍ରତିଯୋଗୀ ମଧ୍ୟ ଏହି ବାଲୁକା କଳା ମହୋତ୍ସବରେ ଯୋଗ ଦେବେ। ମାଲକାନଗିରି ଜିଲ୍ଲାର ଦୁଇ ଆଦିବାସୀ ଯୁବକ ମୁକା କବାସୀ ଏବଂ କେନି କବାସୀ ଉକ୍ତି ମହୋତ୍ସବରେ ବାଲୁକା କଳା ପ୍ରଦର୍ଶନ ପାଇଁ ମନୋନୀତ ହୋଇଛନ୍ତି।  ଏହି ଖବର ପ୍ରଚାରିତ ହେବା ପରେ ମାଲକାନଗିରି ଜିଲ୍ଲାରୁ ଦୁଇ ଯୁବ ପ୍ରତିଭାବନ ଆଦିବାସୀ ଯୁବକଙ୍କ ସଫଳତା କାମନା କରିଛନ୍ତି ଜିଲ୍ଲାବାସୀ ।