ବ୍ରହ୍ମପୁର,୨୬/୧୧ : ଗୋଳନ୍ଥରା ଥାନା ଗିରିଶୋଳା ଜାତୀୟ ରାଜପଥ ୧୬ରେ ବେଆଇନ ଟଙ୍କା ଆଦାୟ ଘଟଣାରେ ଏଆର୍.ଟି.ଓ, ଜୁନିୟର ଏମଭିଆଇ ସମେତ ୩ଜଣ ଏଜେଣ୍ଟ ଗିରଫ । ୫ଜଣଙ୍କୁ ଗିରଫ କରିଲା ଗୋଳନ୍ଥରା ପୋଲିସ ।  ତିନି ଜଣ ଏଜେଣ୍ଟ ପିଣ୍ଟୁ ସାହୁ, ରବୀନ୍ଦ୍ର ସାହୁ, ବିଜୟ କୁମାରଙ୍କ ସମେତ ଏଆରଟିଓ ଏସ.ଭେଙ୍କେଟସ, ଜୁନିୟର ଏମ.ଭି.ଆଇ ରତିକାନ୍ତ ନାହାକ ପ୍ରମୁଖ ୫ଜଣ ଗିରଫ ହୋଇଥିବାନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବ୍ରହ୍ମପୁର ଏସପି ଟି. ଆଇ ଏନକେ ଚିନାରା । 

ଜନୈକ କର୍ମଚାରୀ ଏହି ଘଟଣାରେ ସମ୍ପୃକ୍ତ ଥିବା ଜଣାପଡ଼ିଛି । ଗୋଳନ୍ଥରା ଥାନା ଅନ୍ତର୍ଗତ ଭାଲିଆଗଡଠାରୁ ସୋରୋଳ ମଧ୍ୟରେ ଜାତୀୟ ରାଜପଥ ୧୬ରେ ଭାରିଯାନ ଅଟକାଇ ଆଦାୟ ହେଉଥିଲା ବେଆଇନ ଜରିମାନା। ଗିରଫ ୫ଜଣ ଏକ ହ୍ବାଟ୍ସଅପ ଗ୍ରୁପ କରି ଜରିମାନା ଆଦାୟ ସହ ଗାଡ଼ି ଗୁଡ଼ିକୁ ଅଟକାଉଥିଲେ।

ପ୍ରଥମେ ଘଟଣାସ୍ଥଳରୁ ଜୁନିୟର ଏମଭିଆଇ ସମେତ ୩ଜଣ ଦଲାଲ ଧରାପଡ଼ିଥିଲେ । ପରେ ସେମାନଙ୍କୁ ପଚରାଉଚରାବେଳେ ଓ ମୋବାଇଲ ଯାଞ୍ଚ କରିବାରୁ ଏକ ଏଥିରେ ଏଆରଟିଓ ସଂପୃକ୍ତ ଥିବା ଜଣାପଡ଼ିଥିଲା । ଗଞ୍ଜାମ ଅତିରିକ୍ତ ଆଞ୍ଚଳିକ ପରିବହନ (ARTO) ଅଧିକାରୀଙ୍କ ଘରେ ଗୋଳନ୍ଥରା ପୋଲିସର ତଦନ୍ତ କରିଥିଲେ । ଆଜି ସକାଳୁ ଛତ୍ରପୁର ଚଣ୍ଡୀ ଛକସ୍ଥିତ ନିଜ ବାସ ଭବନଠାରେ ଚଢ଼ଉ କରି ୮୨ହଜାର ୫୦୦ଟଙ୍କା ଜବତ କରିଥିଲା ଗୋଳନ୍ଥରା ପୋଲିସ ।