ନୂଆଦିଲ୍ଲୀ ,୦୪/୧୨: ରାଜଧାନୀରେ ବିଭତ୍ସ ହତ୍ୟା । ଘରେ ପଶି ଗୋଟିଏ ପରିବାରର ୩ ଜଣଙ୍କୁ ହତ୍ୟା। ସ୍ବାମୀ, ସ୍ତ୍ରୀ ଓ ଝିଅକୁ ହତ୍ୟା କଲା ଦୁର୍ବୁତ୍ତ । ତେବେ ଦକ୍ଷିଣ ଦିଲ୍ଲୀର ନେବ ସରାୟ ଅଞ୍ଚଳରେ ଏହି ଘଟଣା ଘଟିଛି। ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । 

ସୂଚନା ଅନୁସାରେ, ଦିଲ୍ଲୀର ସରାୟ ଅଞ୍ଚଳରେ ହରିୟାଣାର ଏହି ପରିବାର ରହୁଥିଲେ । ଆଜି ଭୋର ୩ ଟାରୁ  ପରିବାରର ୩ଜଣଙ୍କୁ ହତ୍‌ୟା କରାଯାଇଛି ।  ମୃତକମାନେ ହେଲେ ସ୍ୱାମୀ ରାଜେଶ, ପତ୍ନୀ କୋମଲ ଏବଂ ଝିଅ କବିତା ।  ରାଜେଶଙ୍କ ପୁଅ ସକାଳ ୫ଟାରେ ୱାର୍କ କରିବା ପାଇଁ ଯାଇଥିବା ବେଳେ  ସେ ଘରକୁ ଫେରିବା ପରେ ସେ ପରିବାରର ସମସ୍ତଙ୍କର ମୃତଦେହ ପଡିଥିବାର ଦେଖିଥିଲେ । ଏନେଇ ସେ ପ୍ରଥମେ ପୋଲିସକୁ ଖବର ଦେଇଥିଲେ  ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ମୃତକମାନଙ୍କୁ ବ୍ୟବଚ୍ଛେଦ ପାଇଁହସ୍ପିଟାଲରେ ଭର୍ତ୍ତି କରିଛି । କେବେ କେଉଁ କାରଣରୁ ଏହି ହତ୍ୟାକାଣ୍ଡ ହୋଇଛି ଏନେଇ କୌଣସି ସଷ୍ଟ ସୂଚନା ମିଳିନି । ପୋଲିସ ଘଟଣାସ୍ଥଳରେ ପଚରାଉଚରା ଜାରି ରଖିଛି । ପ୍ରାଥମିକ ତଦନ୍ତରୁ ଜଣାପଡିଛି ଯେ, ୩ ମୃତଦେହର ବେକରୁ ଧାରୁଅ ଅସ୍ତ୍ରର ଚିହ୍ନ ରହିଛି। ଏଥିସହ ଘରର କୌଣସି ଜିନିଷ ଭଙ୍ଗାରୁଜା ହୋଇ ନଥିବା ବେଳେ ଚୋରି ହୋଇଥିବା ନେଇ ମଧ୍ୟ କୌଣସି ସୂଚନା ମିଳିନି । ପୋଲିସ ସ୍ଥାନୀୟ ଅଞ୍ଚଳର ସିସିଟିଭି ଯାଞ୍ଚ କରଛି ।