ନୂଆଦିଲ୍ଲୀ,୪।୧୨: ଦିଲ୍ଲୀ ଓ ଏହାର ଆଖପାଖ ଅଞ୍ଚଳର ସିବିଆଇ ଚଢାଉ। ୧୧୭ କୋଟି ଟଙ୍କାର ଆନ୍ତର୍ଜାତୀୟ ସାଇବର ଠକେଇ ମାମଲାରେ ୧୦ଟି ସ୍ଥାନରେ ଚଢାଉ ହୋଇଛି। ଏହି କାର୍ଯ୍ୟାନୁଷ୍ଠାନ କେନ୍ଦ୍ର ଗୃହମନ୍ତ୍ରଣାଳୟର ସାଇବର କ୍ରାଇମ୍ କୋଅର୍ଡିନେସ୍‌ ସେଣ୍ଟର(I4C)କୁ ମିଳିଛି। ଅଭିଯୋଗ ଆଧାରରେ ରୁଜୁ ହୋଇଥିବା ମାମଲାର ତଦନ୍ତ କରାଯାଉଛି।

ଏଫଆଇରେ ଅଭିଯୋଗ ରହିଛି ଯେ, ଅଜ୍ଞାତ ସଂଗଠିତ ସାଇବର ଅପରାଧି ଓ ବିଦେଶୀ ତତ୍ତ୍ବ   ଭାରତରେ ସଂଗଠିତ ଆର୍ଥିକ ଠକେଇ ପଛରେ ରହିଛି। ସିବିଆଇ ମୁଖପାତ୍ରଙ୍କ କହିବା ଅନୁସାରେ, ତଦନ୍ତ ବେଳେ ସାମନାକୁ ଆସିଛି ଯେ, ବିଦେଶରେ ସକ୍ରିୟ ଠକ ଡିଜିଟାଲ ଫ୍ଲାଟଫର୍ମ ଭଳି ଓ୍ବେବସାଇଟ୍, ହ୍ବାଟସଆପ୍‌ ଓ ଟେଲିଗ୍ରାମ୍‌ର ବ୍ୟବହାର କରି ଭାରତୀୟ ନାଗରିକଙ୍କୁ ଟାର୍ଗେଟ କରୁଚନ୍ତି। ଏହି ଲୋକ ପାର୍ଟ-ଟାଇମ୍ ଜବ, ଟାସ୍କ ଆଧାରିତ ଫ୍ରଡ୍ ଓ ପ୍ରାରମ୍ଭିକ ନିବେଶ ଉପରେ ଉଚ୍ଚ ରିଟର୍ଣ୍ଣର ମିଥ୍ୟା ପ୍ରତିଶୃତି ଦେଇ ଳୋକଙ୍କୁ ଫଶାଉଛନ୍ତି।’

ପୀଡିତଙ୍କ ଦ୍ବାରା ଜମା କରାଯାଇଥିବା ଧନରାଶିକୁ ‘ମ୍ୟୁଲ ଆକାଉଣ୍ଟ’ର ନେଟଓ୍ବର୍କ ଜରିଆରେ ତୁରନ୍ତ ଟ୍ରାନ୍ସଫର କରି ଦିଆଯାଉଛି। ଫଳରେ ଟଙ୍କାର ସ୍ରୋତ ବିଷୟରେ ଯେପରି ଜଣାନପଡିବ। ଚଢାଉ ବେଳେ ଗୁରଗ୍ରାମରଦୁଇ ଓ ରାଜଧାନୀ ଦିଲ୍ଲୀର ବହୁ ସ୍ଥାନ‌ରେ କାର୍ଯ୍ୟନୁଷ୍ଠାନ କରାଯାଇଛି।