ନୂଆଦିଲ୍ଲୀ – ଗୁଜରାଟର ମେହସାଣା ଜିଲ୍ଲାରେ ଏକ ଟ୍ରେନିଂ ବିମାନ କ୍ରାସ୍ ହୋଇଛି। କୁହାଯାଉଛି ଯେ, ଉପର୍ଚି ଗାଁ ନିକଟରେ ଏହି ବିମାନଟି ସେତେବେଳେ ଦୁର୍ଘଟଣାଗ୍ରସ୍ତ ହୋଇଛି, ଯେତେବେଳେ ଉଡ଼ାଣ ବେଳେ ହିଁ ମହିଳା ଟ୍ରେନୀ ପାଇଲଟଙ୍କ ହଠାତ୍ ସ୍ୱାସ୍ଥ୍ୟ ଖରାପ ହୋଇଥିଲା।ଦୁର୍ଘଟଣାରେ ମହିଳା ଟ୍ରେନି ପାଇଲଟଙ୍କୁ ସାମାନ୍ୟ ଆଘାତ ଲାଗିଛି। ତାଙ୍କୁ ଚିକିତ୍ସା ପାଇଁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।
ପିଟିଆଇର ରିପୋର୍ଟ ମୁତାବିକ , ଗୁଜରାଟର ମେହସାଣା ଜିଲ୍ଲାରେ ସୋମବାର ସନ୍ଧ୍ୟାରେ ପ୍ରାଇଭେଟ୍ ଆଭିଏସନ ଏକାଡେମୀର ଟ୍ରେନିଂ ବିମାନଟି ଦୁର୍ଘଟଣାର ଶିକାର ହୋଇଛି। ଏଥିରେ ଜଣେ ମହିଳା ଟ୍ରେନି ପାଇଲଟ ଆଘାତ ହୋଇଛନ୍ତି। ତାଙ୍କୁ ତୁରନ୍ତ ନିକଟସ୍ଥ ହସ୍ପିଟାଲକୁ ନିଆଯାଇଛି।
ମେହସାଣା ତାଲୁକା ପୁଲିସ ଷ୍ଟେସନର ଇନ୍ସପେକ୍ଟର ଡିଜି ବଡୱା କହିଛନ୍ତି କି, କିଛି ଯାନ୍ତ୍ରିକ କାରଣରୁ ସିଙ୍ଗଲ ଇଞ୍ଜନର ବିମାନଟି ମେହସାଣା ସହର ନିକଟରେ ଉପର୍ଚି ଗାଁରେ କ୍ରାସ୍ ହୋଇ ଯାଇଛି। ବିମାନଟି ଖୋଲା ପଡ଼ିଆରେ ଦୁର୍ଘଟଣାଗ୍ରସ୍ତ ହୋଇଛି। ପୁଲିସ ଷ୍ଟେସନର ଇନସ୍ପେକ୍ଟର ଡିଜି ବଡୱା କହିଛନ୍ତି ଯେ, ବିମାନକୁ ଜଣେ ମହିଳା ଟ୍ରେନି ପାଇଲଟ ଚଲାଉ ଥିଲେ। ଏହି ବିମାନ ମେହସାଣା ଏୟାରପୋର୍ଟରୁ ଉଡ଼ାଣ ଭରି ଥିଲା। ଉଡ଼ାଣ ଭରିବା ପରେ ଏହି ବିମାନ ଉପର୍ଚିର ଏକ କ୍ଷେତରେ କ୍ରାସ୍ ହୋଇ ଯାଇଛି।
ଆହତ ମହିଳା ଟ୍ରେନି ପାଇଲଟଙ୍କର ହସ୍ପିଟାଲରେ ଚିକିତ୍ସା ଚାଲୁ ରହିଛି। ଘଟଣାର ଯାଞ୍ଚ ପାଇଁ ଏୟାରପୋର୍ଟ ସହ ଆଭିଏସନ ଅଧିକାରୀଙ୍କୁ ଦୁର୍ଘଟଣା ବିଷୟରେ ସୂଚିତ କରିଦିଆ ଯାଇଛି।
