ଫିରିଙ୍ଗିଆ, ୨୧/୬ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ସୁମେରୁ ବନ୍ଧ ପଞ୍ଚାୟତ ସାଉଲି ପଡ଼ା ଗାଁର ଲଡୁ କହଁର । ସେ ଜଣେ ଅସହାୟ ଗରିବ ଓ ବାର୍ଦ୍ଧକ୍ୟ l ଗତ ୩ ବର୍ଷ ତଳେ ନିଜ ଘର ଲଗାଣ ବର୍ଷାରେ ଭାଙ୍ଗିଯିବା ପରେ ଦୀର୍ଘ ଦିନ ଧରି ନିଜ ଘରକୁ ମରାମତି କରିବା କିମ୍ବା ନୂତନ ଘର ନିର୍ମାଣ କରିବା ପାଇଁ ଟଙ୍କା ନ ଥିବାରୁ ବହୁ ଅସୁବିଧାରେ ପର ପିଣ୍ଡାରେ ଆଶ୍ରୟ ନେଇଥିଲେ l ନିଜର ସେଭଳି କିଛି ରୋଜଗାର ନ ଥିବାରୁ ଆବାସ ଯୋଜନାରେ ଘର ଖଣ୍ଡିଏ ଯୋଗାଇଦେବାକୁ ପଞ୍ଚାୟତ କାର୍ଯ୍ୟାଳୟଠାରୁ ଫିରିଙ୍ଗିଆ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଭେଟି ଲିଖିତ ଭାବରେ ନିଜର ଦୁଃଖ ଜଣାଇଥିଲେ l

ସେ ଯାହା ହେଉନା କାହିଁକି ଦୀର୍ଘ ୩ ବର୍ଷ ବିତିଥିଲେ ମଧ୍ୟ ଶେଷରେ ଲଡୁ କହଁରକୁ ଆବାସ ଯୋଜନାରେ ସାମିଲ କରି ଅନ୍ତୋଦୟ ଆବାସ ଗୃହ ଖଣ୍ଡିଏ ପ୍ରଶାସନ ତରଫରୁ ଯୋଗାଇ ଦିଆଯାଇଛି l ବର୍ତ୍ତମାନ ରାଜ୍ୟ ସରକାର ବିକାଶ ବାହାନ ମାଧ୍ୟମରେ ପ୍ରତି ପଞ୍ଚାୟତ ଓ ଗାଁ ଗାଁରେ ବିକାଶ ମୂଳକ କାର୍ଯ୍ୟ ଓ ବିଭିନ୍ନ ବିକାଶ ଯୋଜନା ସମ୍ପର୍କରେ ସଚେତନତା କରୁଛନ୍ତି । ଏହି ଅବସରରେ ଫିରିଙ୍ଗିଆ ବ୍ଲକର ଉପାନ୍ତ ଅଞ୍ଚଳ କୁହାଯାଉଥିବା ସୁମେରୁ ବନ୍ଧ ପଞ୍ଚାୟତକୁ ଯାଇ ସଚେତନ କରିଥିବାବେଳେ ଏହି ଅବସରରେ ଲଡୁ କହଁରଙ୍କୁ ଅନ୍ତୋଦୟ ଆବାସ ଯୋଜନାର କାର୍ଯ୍ୟାଦେଶ ପ୍ରଦାନ କରାଯାଇଛି l କାର୍ଯ୍ୟାଦେଶ ପ୍ରଦାନ ପରେ ଲଡୁ ଦୀର୍ଘ ଦିନର ଘର ସମସ୍ୟା ଦୁର ହେବା ସହ ଘର ନିର୍ମାଣ ହେଲେ ପର ଘରେ ଆଶ୍ରୟ ନ ନେଇଁ ନିଜ ଘରେ ରହି ଭଲରେ ଚଳି ପାରିବି ବୋଲି କହିଛନ୍ତି l ଏହି ଅବସରରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ସୁନିଲ କୁମାର ପାତ୍ର, ପଞ୍ଚାୟତ ଅଧିକାରୀ, ସ୍ଥାନୀୟ ସରପଞ୍ଚ, ସମିତି ସଭ୍ୟ ଓ ଅନ୍ୟମାନେ ଉପସ୍ଥିତ ରହି କାର୍ଯ୍ୟାଦେଶ ପ୍ରଦାନ କରିଥିଲେ l