ଭୁବନେଶ୍ବର,୨୪/୧ : ଭାରତ ଏବଂ ଇଂଲଣ୍ଡ ମଧ୍ୟରେ କଟକ ବାରବାଟୀ ଷ୍ଟାଡିୟମରେ ଖେଳାଯିବାକୁ ଥିବା ଏକ ଦିବସୀୟ କ୍ରିକେଟ ମ୍ୟାଚ୍ ଲାଗି ଆସନ୍ତା ଫେବୃଆରୀ ଦୁଇ ତାରିଖରୁ ଅନ୍ ଲାଇନ୍ ଟିକେଟ ବିକ୍ରି ଆରମ୍ଭ । ବାରବାଟୀ ୱାନଡେ ପାଇଁ ଟିକେଟ ଦର କିଛି ଏହିପରି ରହିଛି । ୧ ଏବଂ ୩ ନମ୍ବର ଗ୍ୟାଲେରୀ, ୧୧୦୦ ଟଙ୍କା ୨ ଏବଂ ୪ ନମ୍ବର ଗ୍ୟାଲେରୀ, ୯୦୦ ଟଙ୍କା ରହିଛି । ୫ ନମ୍ବର ଗ୍ୟାଲେରୀ ପାଇଁ ୧୨୦୦ ଏବଂ ୭ ନମ୍ବର ପାଇଁ ଟିକେଟ ମୂଲ୍ୟ ରହିଛି ୭ ଶହ ଟଙ୍କା ।
ଏହାପରେ ନିୟ୍ୟୁ ପାଭିଲିଅନ ୧୦ହଜାର ଏବଂ କର୍ପୋରେଟ ବକ୍ସ ପାଇଁ ଦର୍ଶକଙ୍କୁ ୨୦ହଜାର ଟଙ୍କାର ଦେୟ ଦେବାକୁ ପଡ଼ିବ । ଅନଲାଇନ ଟିକେଟ ବିକ୍ରି ପାଇଁ ୪ହଜାର ଟିକେଟ ସଂରକ୍ଷିତ ରହିଛି । ଯାହା ଜମାଟୋ ଜରିଆରେ ବିକ୍ରୀ ହେବ। ଫେବୃୟାରୀ ୩ ଏବଂ ୪ରେ ଓସିଏ ଅନୁବନ୍ଧିତ ସଂସ୍ଥାମାନେ ଟିକେଟ ପାଇବେ । ତେବେ ସାଧାରଣ ଲୋକଙ୍କ ପାଇଁ ଫେବୃୟାରୀ ୫ ଏବଂ ୬ ତାରିଖରେ କାଉଣ୍ଟର ଜରିଆରେ ଟିକେଟ ବିକ୍ରି ହେବ ।
