ଲକ୍ଷ୍ନୌ,୨୨।୧୨: ୟୁପିର ରାଜଧାନୀ ଲକ୍ଷ୍ନୌରେ ଦିନକୁ ଦିନ ବଢିବାରେ ଲାଗିଛି ଅପରାଧିଙ୍କ ସାହାସ। ଚିନହଟ ଅଞ୍ଚଳର ମାଟିୟାରୀରେ ଇଣ୍ଡିଆନ ଓଭରସିଜ୍ ବ୍ୟାଙ୍କରେ ଚୋରମାନେ ଏକ ବ୍ୟାଙ୍କରେ କରିଛନ୍ତି ବଡ଼ ଧରଣର ଲୁଟ୍। ବ୍ୟାଙ୍କର କାନ୍ଥ କାଟି ପଶିଥିଲେ ଓ ସୁରକ୍ଷା ଆର୍ଲମକୁ ମଧ୍ୟ ଭାଙ୍ଗି ଦେଇଥିଲେ। ଏହାପରେ ୩୦ଟି ଲକର କାଟି କୋଟି ଟଙ୍କାର ଗହଣା ଚୋରି କରିନେଇଥିଲେ। ରବିବାର ଏହି ଘଟଣା ବିଷୟରେ ଖୁଲାସା ହୋଇଛି।
ବ୍ୟାଙ୍କ ମ୍ୟାନେଜର ସନ୍ଦୀପ ସିଂହ କହିଛନ୍ତି, ବ୍ୟାଙ୍କ ସାଇଡ୍ରେ ଖାଲି ପ୍ଲଟ୍ ଆଡକୁ କାନ୍ଥ କାଟି ବ୍ୟାଙ୍କ ଭିତରେ ପଶିଥିଲେ ଚେର। ଏହାପରେ ଚୋରମାନେ ଲକର କାଟି କୋଟି କୋଟି ଟଙ୍କାର ଗହଣା ନେଇଯାଇଛନ୍ତି।ପୋଲିସ କହିଛି, ବ୍ୟାଙ୍କର ଆଲାର୍ମ ସିଷ୍ଟ ଖରାପ ଥିଲା। ଯେଉଁ କାରଣରୁ ଘଟଣା ସମୟରେ ଏହା କାମ କରିନଥିଲା। ଏହା ସହ ବ୍ୟାଙ୍କରେ ମୁତୟନ ସୁରକ୍ଷାକର୍ମୀ ମଧ୍ୟ ମୁତୟନ ନଥିଲେ। ଏହାର ଫାଇଦା ଉଠାଇଥିଲେ ଚୋର। ଅନ୍ୟପକ୍ଷେ ମାମଲାକୁ ନେଇ ବରିଷ୍ଠ ଅଧିକାରୀ ଓ ଫରେନସିକ୍ ଟିମ୍ ଘଟଣାସ୍ଥଳରେ ପହଁଞ୍ଚିଛି। ଏହା ସହ ଡଗ୍ ସ୍କ୍ବାର୍ଡକୁ ମଧ୍ୟ ଘଟଣାର ଯାଞ୍ଚ ପାଇଁ ପଠାଯାଇଛି। ୬ଜଣିଆ ଟିମ୍ ବର୍ତ୍ତମାନ ମାମଲାର ତଦନ୍ତ କରାଯାଇଛି।
