ଆନନ୍ଦପୁର,୧୭।୬ : ମା' ସହ ମାମୁଁ ଘରକୁ ରଜ ଛୁଟି କଟାଇବାକୁ ଯାଇଥିବା ସମୟରେ ପୋଖରୀ ବୁଡି ନାବାଳିକାର ମୃତ୍ୟୁ ଘଟିଛି। ଆନନ୍ଦପୁର ଉପଖଣ୍ଡ ଘସିପୁରା ଥାନା ଦରଖଳା ଗାଁ ରେ ଏଭଳି ଅଭାବନୀୟ ଘଟଣା ଘଟିଛି । ମୃତା ନାବାଳିକା ଆନନ୍ଦପୁର ଥାନା ବିରବଲ ଗାଁ ର ସନା ହୋଙ୍କ ଝିଅ ମିଞ୍ଜାରୀ (୬)।
ରବିବାର ସନ୍ଧ୍ୟାରେ ମା’ ସହ ମିଞ୍ଜାରୀ ମାମୁଁ ଘର ଗାଁ ପୋଖରୀକୁ ଗାଧୋଇବାକୁ ଯାଇଥିଲେ । ଗୋଡ ଖସିଯିବାରୁ ପୋଖରୀରେ ବୁଡି ତାଙ୍କର ମୃତ୍ୟୁ ଘଟିଥିଲା । ପରେ ଘଷିପୁରା ଅଗ୍ନିଶମ ବିଭାଗ ପୋଖରୀରୁ ମୃତଦେହ ଉଦ୍ଧାର କରିଛି ।