ନୂଆଦିଲ୍ଲୀ : ଗାଜାରେ ୬ ସପ୍ତାହ ଧରି ଚାଲିଥିବା ଯୁଦ୍ଧ ବିରତିର ଚୁକ୍ତି କିଛି ସମୟ ପରେ ଶେଷ ହେବାକୁ ଯାଉଛି। ଏଥିରେ ପୁଣି ଥରେ ଗାଜାର ସ୍ଥିତି ଉତ୍ତେଜନାପୂର୍ଣ୍ଣ ହୋଇ ଯାଇଛି। ଇସ୍ରାଏଲର ସର୍ତ୍ତ ଗୁଡ଼ିକୁ ହମାସ ଖାରଜ କରି ଦେଇଛି ଏବଂ ସ୍ପଷ୍ଟ କରି ଦେଇଛି ଯେ, ଯୁଦ୍ଧ ବନ୍ଦ କରିବାକୁ ନେଇ କୌଣସି ନୂଆ କଥାବାର୍ତ୍ତା ହୋଇନାହିଁ। ଏପଟେ , ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ହମାସର ଗାଜାରେ ପୁଣି ଥରେ ନର୍କର ଦ୍ୱାର ଖୋଲିବାକୁ ଧମକ ଦେଇଛନ୍ତି। ଇସ୍ରାଏଲ ସିଜଫାୟରର ପ୍ରଥମ ପର୍ଯ୍ୟାୟ ବେଳେ ହୋଇଥିବା କଏଦୀ ଓ ବନ୍ଧକଙ୍କ ଅଦଳବଦଳକୁ ନେଇ ଚିଡ଼ି ଯାଇଛି। ହମାସ ୩୩ ଜୀବନ୍ତ ଓ ୮ ବନ୍ଧକଙ୍କ ଶବ ପ୍ରଦାନ କରିଛି , ଜବାବରେ ଇସ୍ରାଏଲ ୨୦୦୦ରୁ ଅଧିକ ପାଲେଷ୍ଟାଇନ୍ କଏଦୀଙ୍କୁ ଛାଡ଼ିଛି।
ହମାସର ପ୍ରବକ୍ତା ହାଜେମ କାସିମ ଅଲ-ଅରବୀ ଟିଭିକୁ କହିଛନ୍ତି , ଇସ୍ରାଏଲ ସ୍ଥିତିକୁ ପୁଣି ଶୂନ୍ୟକୁ ନେଇ ଯିବାକୁ ଚେଷ୍ଟା କରୁଛି ଏବଂ ସେ ଗାଜାରୁ ସଂପୂର୍ଣ୍ଣ ହଟିବାକୁ କୌଣସି ପ୍ରତିବନ୍ଧତା ଦେଖାଇ ନାହିଁ। ଏହି ମଧ୍ୟରେ ନେତନ୍ୟାହୁ ସଙ୍କେତ ଦେଇଛନ୍ତି କି, ଯଦି ଚୁକ୍ତି ବିଫଳ ହୁଏ ତ ତାଙ୍କର ସେନା ପୁଣି ଥରେ ହମଲା କରିପାରେ। ସେ ଏହି କ୍ରମରେ ନିଜର ପ୍ରତିରକ୍ଷା ଅଧିକାରୀଙ୍କ ସହ ଏକ ମହତ୍ତ୍ୱପୂର୍ଣ୍ଣ ବୈଠକ ମଧ୍ୟ କରିଛନ୍ତି।
ଏହି ଯୁଦ୍ଧ ବିରାମ ଅନୁସାରେ, ଇସ୍ରାଏଲ ଗାଜାରୁ ୩୩ ବନ୍ଧକଙ୍କୁ ଛଡ଼େଇ ଥିଲା, ଯାହାକି ଏହା ବଦଳରେ ସେ ଶହ ଶହ ପାଲେଷ୍ଟାଇନ୍ କଏଦୀଙ୍କୁ ମୁକ୍ତ କରିଛି। ଏହି ଚୁକ୍ତିନାମା ରବିବାର ଶେଷ ହେବାକୁ ଯାଉଛି। କିନ୍ତୁ ସଦ୍ୟ ଇସ୍ରାଏଲୀୟ ଅଧିକାରୀମାନେ ସଙ୍କେତ ଦେଇଛନ୍ତି କି, ଏହା ଆଗକୁ ଜାରି ରହିବା ମୁସ୍କିଲ ହୋଇ ପାରେ। ଯେଉଁଠି ଇସ୍ରାଏଲ ଅଧିକ ବନ୍ଧକଙ୍କ ମୁକ୍ତି ଚାହୁଁଛି , ସେଠାରେ ଏହାର ଗଠବନ୍ଧନ ସରକାରରେ ବର୍ତ୍ତମାନର ଦକ୍ଷିଣପନ୍ଥୀ ଦଳ ଯୁଦ୍ଧ ବିରାମ ବନ୍ଦ କରି ପୁଣି ହମଲା ଆରମ୍ଭ କରିବାକୁ ଦାବି କରୁଛି।
ଏହି ଚୁକ୍ତିନାମା କତାର ଓ ମିଶରର ମଧ୍ୟସ୍ଥତାରେ ହୋଇଥିଲା ଏବଂ ଆମେରିକା ଏହା ଉପରେ ନଜର ରଖିଥିଲା। ଏହାର ଉଦ୍ଦେଶ୍ୟ ଯୁଦ୍ଧକୁ ପୂରା ଶେଷ କରିବା ଦିଗରେ ଆଉ ପାଦେ ବଢିବାର ଥିଲା। ଇସ୍ରାଏଲ ଓ ଆମେରିକା ଚାହୁଁଛନ୍ତି କି ହମାସର ଶାସନ ଓ ଏହାର ମିଲିଟାରୀ ଷ୍ଟ୍ରକଚର ଶେଷ ହେଉ। ସେପଟେ ହମାସ ସଙ୍କେତ ଦେଇଛି କି, ସେ କ୍ଷମତା ଛାଡ଼ିବାକୁ ପ୍ରସ୍ତୁତ, କିନ୍ତୁ ଅସ୍ତ୍ରଶସ୍ତ୍ର ଛାଡ଼ିବ ନାହିଁ।
ହମାସ ଚାହୁଁଛି କି ଇସ୍ରାଏଲ ଗାଜାରୁ ପୂରା ହଟି ଯାଉ ଏବଂ ଏହା ବଦଳରେ ସେ ୨୦୨୩ରେ ଯୁଦ୍ଧରେ ଧରାପଡ଼ିଥିବା ୫୮ ବନ୍ଧକଙ୍କୁ ମୁକ୍ତ କରିବ । ଏହାସହ ଇସ୍ରାଏଲ ୨୦୧୪ରେ ଗାଜାରେ ମୃତ୍ୟୁ ହୋଇଥିବା ନିଜର ଜଣେ ସୈନିକଙ୍କ ଶବକୁ ମଧ୍ୟ ଫେରି ପାଇବାକୁ ଚାହୁଁଛି , ଯାହାକୁ ହମାସ କବଜାରେ ରଖାଯାଇଛି।
ଉଲ୍ଲେଖନୀୟ ଯେ , ସମ୍ଭାବିତ ଭାବେ ଲଢେଇ ପୁଣି ଆରମ୍ଭ ହେବାରେ ଗାଜାର ସ୍ଥିତି ଆହୁରି ବିଗିଡ଼ିପାରେ। ଏହି ମଧ୍ୟରେ , ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସଦ୍ୟ ପ୍ରସ୍ତାବ ମଧ୍ୟ ଏକ ନୂଆ ବିବାଦ ଆରମ୍ଭ କରି ଦେଇଛି।
