ବାରିପଦା ୧୦/୧୧: କାଳା ବାଘର ଆବାସ ସ୍ଥଳୀ ଶିମିଳିପାଳକୁ ବୁଲି ଯାଉଥିବା ପର୍ଯ୍ୟଟକଙ୍କ ପାଇଁ ଖୁସି ଖବର। ଶିମିଳିପାଳରେ ପର୍ଯ୍ୟଟକଙ୍କୁ ଦେଖିବାକୁ ମିଳିବ କଳା ବାଘ।  ଶିମିଳିପାଳ ବ୍ୟାଘ୍ର ପ୍ରକଳ୍ପ ର କ୍ଷେତ୍ର ନିର୍ଦ୍ଦେଶକ ତଥା ଆଞ୍ଚଳିକ ବନ୍ୟ ପ୍ରାଣୀ ସଂରକ୍ଷକ ଡଃ ପ୍ରକାଶ ଚାନ୍ଦ ଗୋଗିନେନୀ ୨୦ସେକେଣ୍ଡର ଏକ ଭିଡିଓ ଫୁଟେଜ ସେୟାର କରିଛନ୍ତି। ଗୋଟିଏ କଳା ବାଘ ଘଞ୍ଚ ଜଙ୍ଗଲ ମଧ୍ୟରେ ବିଚରଣ କରୁଥିବା ଦେଖିବାକୁ ମିଳିଛି। ଏହି ବାଘଟି ପୁରୁଷ୍ ବାଘ T-୩୧ବୋଲି ଏସ ଟି ଆର ପକ୍ଷରୁ କୁହାଯାଇଛି। 

ଚଳିତ ବର୍ଷ ଠାରୁ ଶିମିଳିପାଳରେ  ଖୋଲା ଜିପରେ ସଫାରୀ ଆରମ୍ଭ ହୋଇ ଥିବା ବେଳେ ପର୍ଯ୍ୟଟକ କଳା ବାଘ୍ ଦେଖିବାର ସୁଯୋଗ ପାଇବାର ସମ୍ଭାବନା ଅନେକ ରହିଛି। ଶିମିଳିପାଳରେ କଳା ବାଘ ଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଥିବା ବେଳେ ଏହି ବିରଳ ମିଲେନଷ୍ଟିକ ବାଘକୁ ଦେଖିବା ଆଶାରେ ଦେଶ ବିଦେଶରୁ ପର୍ଯ୍ୟଟକ ଶିମିଳିପାଳ ଆସିଥାନ୍ତି।   ସ୍ଵତନ୍ତ୍ର ସଫାରୀ ଗାଡ଼ି ସହିତ ଗାଇଡ ଏବଂ ବିଶେଷ ତାଲିମ ପ୍ରାପ୍ତ ଡ୍ରାଇଭର ଙ୍କ ସହାୟତାରେ ପର୍ଯ୍ୟଟକଙ୍କୁ ଜଙ୍ଗଲ ସଫରୀର ମଜା ନେବାକୁ ଛଡ଼ା ଯାଉଛି। ଏହି ଜଙ୍ଗଲ ସଫାରୀ ସମୟରେ ନିର୍ଦ୍ଦିଷ୍ଟ ଅଞ୍ଚଳରେ ପର୍ଯ୍ୟଟକ ବିରଳ କଳା ବାଘ ଦେଖିବାର ସୁଯୋଗ ପାଇବାର ଅନେକ ସମ୍ଭାବନା ଅଛି ବୋଲି ଏସ ଟି ଆର୍ ଦାବି କରିଛି।

ତେବେ ଶିମିଳିପାଳରେ କଟେଜ ରହଣି ସହିତ ଜଙ୍ଗଲ ସଫାରୀ ର ମଜା ନେବା ପାଇଁ ପର୍ଯ୍ୟଟକ ମାନେ ଡବ୍ଲ୍ୟୁ ଡବ୍ଲ୍ୟୁ ଡବଲ୍ୟୁ ଡ଼ଟ୍ ଇକୋ ଟୁର୍ ଓଡ଼ିଶା. କମ୍ ଅନ୍ ଲାଇନ୍ ରେ ବୁକିଂ କରି ପାରିବେ ବୋଲି ସୂଚନା ଦିଆଯାଇଛି। ।