ମୁମ୍ବାଇ ,୧୩/୧୧:ସାଉଥ କୋରିଆନ ଲୋକପ୍ରିୟ ଅଭିନେତା ସଙ୍ଗ ଜେ ରିମଙ୍କ ଦେହାନ୍ତ  । ୩୯ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି । ଅଭିନେତାଙ୍କ ମୃତଦେହ ତାଙ୍କ ଘରୁ ଉଦ୍ଧାର କରାଯାଇଥିବା ବେଳେ ହତ୍ୟା ନା ଆତ୍ମହତ୍ୟା ତାକୁ ନେଇ ବଢୁଛି ସସପେନ୍ସ । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଏହି ଖବର କିନ୍ତୁ ସାରା କୋରିଆନ ଇଣ୍ଡଷ୍ଟ୍ରି ଏବଂ ଫ୍ୟାନ୍ସଙ୍କୁ ଚକିତ କରିଛି । ଗତକାଲି ତାଙ୍କର ମୃତଦେହ ଉଦ୍ଧାର କରିଥିବା ବେଳେ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।

ତେବେ ଗଣମାଧ୍ୟମର ରିପୋର୍ଟ ଅନୁସାରେ,  କୋରିଆନ ଅଭିନେତାଙ୍କ ମୃତ୍ୟୁ ଘଟଣାରେ ପୋଲିସ ତଦନ୍ତ ଆରମ୍ଭ କରିଛି । ଯାଞ୍ଚ ସମୟରେ ଅଭିନେତ୍ରୀଙ୍କ ଘରୁ ଏକ ସୁସାଇଡ୍ ନୋଟ୍ ମଧ୍ୟ ଉଦ୍ଧାର କରାଯାଇଛି । ପ୍ରାରମ୍ଭିକ ଅନୁସନ୍ଧାନରେ ଏହାକୁ ଆତ୍ମହତ୍ୟା ଜନିତ ମୃତ୍ୟୁ ବୋଲି କୁହାଯାଉଥିବା ବେଳେ ତାଙ୍କ ଦେହାନ୍ତରେ କୋରିଆ ଅଭିନେତାଙ୍କ ପରିବାର ପକ୍ଷରୁ ଏପର୍ଯ୍ୟନ୍ତ କୌଣସି ବିବୃତ୍ତି ନାହିଁ ।  ତେବେ ନଭେମ୍ବର ୧୪ ରେ ଅଭିନେତାଙ୍କ ଅନ୍ତିମ ସଂସ୍କାର କରାଯିବ ବୋଲି ସୂଚନା ମିଳିଥିବା ବେଳେ ତାଙ୍କ ଦେହାନ୍ତରେ କୋରିଆନ ଇଣ୍ଡଷ୍ଟ୍ରି ଏବଂ ଫ୍ୟାନ୍ସଙ୍କ ମଧ୍ୟରେ ଶୋକର ଲହରୀ ଖେଳିଯାଇଛି। ପ୍ରକାଶ ଥାଉକି, ୨୦୦୯ରେ ସଙ୍ଗ ଜେ ରିମ୍ ତାଙ୍କର ଅଭିନୟ କ୍ୟାରିଅର୍ ଆରମ୍ଭ କରିଥିଲେ । ତାଙ୍କର ପ୍ରଥମ ମୁଖ୍ୟ ଭୂମିକା ୨୦୧୧ ରେ 'ମୁନ ଏମ୍ବ୍ରସିଂ ସନ'ରେ ଆସିଥିଲା । ଏକ ସଫଳ ଐତିହାସିକ ଡ୍ରାମା ହୋଇଥିଲା । ସେ ରାଜାଙ୍କ ବିଶ୍ୱସ୍ତ ଅଙ୍ଗରକ୍ଷୀ କିମ ଜେ ୱନ୍ ଭାବରେ ସଙ୍ଗ ଜେ ରିମ ଅଭିନୟ କରି ଲୋକଙ୍କ ମନ ଜିତିଥିଲେ । ଯାହା ପରେ ସେ ଇଣ୍ଡଷ୍ଟ୍ରିରେ ନିଜର ପରିଚୟ ସୃଷ୍ଟି କରିଥିଲେ । ଏହା ପରେ ସେ ଅନେକ କୋରିଆନ ଫିଲ୍ମରେ କାମ କରି ବେଶ ଲୋକପ୍ରିୟତା ହାସଲ କରିଛନ୍ତି ।