ନୂଆଦିଲ୍ଲୀ: ଟି-୨୦ ବିଶ୍ବକପ ଲାଗି ବିଭିନ୍ନ ଦେଶ ନିଜ ନିଜର ଟିମ୍ ଘୋଷଣା କରୁଛନ୍ତି । ନ୍ୟୁଜିଲାଣ୍ଡ ଟିମ୍ ଘୋଷଣା କରିସାରିଥିବା ବେଳେ ଆଜି ଇଂଲଣ୍ଡ, ଦକ୍ଷିଣ ଆଫ୍ରିକା ଏବଂ ଭାରତୀୟ ଦଳ ଘୋଷଣା ହୋଇଛି । ଦକ୍ଷିଣ ଆଫ୍ରିକା ଦଳରେ ଦୁଇ ଜଣ ଅନକ୍ୟାପଡ୍ ଖେଳାଳିଙ୍କୁ ଚୟନ କରାଯାଇଛି । ଆଡନ୍ ମାର୍କରମଙ୍କ ନେତୃତ୍ବରେ ଦକ୍ଷିଣ ଆଫ୍ରିକା ଆଇସିସି ଟି-୨୦ ବିଶ୍ବକପ୍ ଖେଳିବାକୁ ଯାଉଛି । ଦକ୍ଷିଣ ଆଫ୍ରିକା ଏଯାବତ ଟି-୨୦ ବିଶ୍ବକପ ଟାଇଟଲ ହାସଲ କରିପାରି ନାହିଁ ।
ଏସଏ ୨୦ ଟୁର୍ଣ୍ଣାମେଣ୍ଟରେ ସବୁଠୁ ଭଲ ପ୍ରଦର୍ଶନ କରିବା ଫଳରେ ଜାତୀୟ ଦଳରେ ସ୍ଥାନ ପାଇଛନ୍ତି ରିୟାନ ରିକେଲ୍ଟନ୍ ଏବଂ ଓଟନିଲ୍ ବାର୍ଟମ୍ୟାନ୍ ।ଏହି ଦୁଇ ଜଣ ଅନକ୍ୟାପଡ୍ ଖେଳାଳି ଯିଏ ଟି-୨୦ ଟିମରେ ସ୍ଥାନ ପାଇଛନ୍ତି । ରିକେଲ୍ଟନ୍ ଏମଆଇ କ୍ୟାପଟାଉନ୍ ପକ୍ଷରୁ ଖେଳିବା ସହ ଟୁର୍ଣ୍ଣାମେଣ୍ଟରେ ୫୮.୮୮ ଆଭେରେଜ୍ ସହ ୫୩୦ ରନ୍ କରିଥିଲେ । ସେହିଭଳି ବାର୍ଟମ୍ୟାନ୍ ସନରାଇର୍ଜସ ଇଷ୍ଟର୍ଣ୍ଣ ଲାଗି ୮ ମ୍ୟାଚରୁ ୧୮ଟି ଓ୍ବିକେଟ ଅକ୍ତିଆର କରିଥିଲେ ।
ଟି-୨୦ ବିଶ୍ବକପ୍ ଲାଗି ଦକ୍ଷିଣ ଆଫ୍ରିକା ଦଳ
ଦକ୍ଷିଣ ଆଫ୍ରିକା ଦଳରେ ଆଡନ୍ ମାର୍କରମ (ଅଧିନାୟକ), କ୍ବିଣ୍ଟନ ଡି’କକ, ରୀଜା ହ୍ୟାଣ୍ଡ୍ରିକ୍ସ, ହେନରିକ୍ କ୍ଲାସେନ, ଡେଭିଡ୍ ମିଲର ଏବଂ ଟ୍ରିଷ୍ଟାନ ଷ୍ଟବ୍ସଙ୍କ ଭଳି ଦମଦାର ବୋଲର ସାମିଲ ଅଛନ୍ତି । ସେହିଭଳି ଦ୍ରୁତ ବୋଲିଂ କ୍ଷେତ୍ରରେ କାଗିସୋ ରାବାଡା ଏବଂ ଏନରିଚ୍ ନୋର୍ଟଜେଙ୍କୁ ସହାୟତା କରିବେ ମାର୍କୋ ଜେନସନ ଏବଂ ଗେରାଲ୍ଡ କୋଏତଜୀ ।
ସ୍ପିନ ବୋଲିଂ ପାଇଁ କେଶବ ମହାରାଜ, ଫୋର୍ଟୁଇନ୍ ଏବଂ ତବରେଜ୍ ଶମସୀ ଟିମ୍ରେ ସ୍ଥାନ ପାଇଛନ୍ତି । ଦକ୍ଷିଣ ଆଫ୍ରିକା ଟିମ୍- ଆଡନ୍ ମାର୍କରମ (ଅଧିନାୟକ), ଓଟନିଲ୍ ବାର୍ଟମ୍ୟାନ୍, ଲୁଙ୍ଗି ଏନଗିଡି, ନାନ୍ଦ୍ରେ ବର୍ଗର, ଗେରାଲ୍ଡ କୋଏତଜୀ, କ୍ବିଣ୍ଟନ ଡିକକ୍, ଫୋର୍ଟୁଇନ୍, ରୀଜା ହ୍ୟାଣ୍ଡ୍ରିକ୍ସ, ହେନରିକ୍ କ୍ଲାସେନ, ଡେଭିଡ୍ ମିଲର, ଏନରିଚ୍ ନୋର୍ଟଜେ, କାଗିସୋ ରାବାଡା, ରିୟାନ ରିକେଲ୍ଟନ୍, ତବରେଜ୍ ଶମସୀ, ଟ୍ରିଷ୍ଟାନ ଷ୍ଟବ୍ସ ।