ଗଞ୍ଜାମ, ୧୧/୦୭ : ପାରିବାରିକ କଳହର କରୁଣ ପରିଣତି। ପୁଅର ରଡ ମାଡ଼ରେ ବାପା ମୃତ। ରମ୍ଭା ଥାନା ଅନ୍ତର୍ଗତ ବାଳସିଂହାପଲ୍ଲୀ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। 

ସୂଚନା ମୁତବାକ, ବାଳସିଂହାପଲ୍ଲୀ ଗାଁର ଗଣ ଦାସ (୫୫ ବର୍ଷ) ଏବଂ ପୁଅ ଗାନ୍ଧୀ ଦାସ (୩୫ ବର୍ଷ)ଙ୍କ ମଧ୍ୟରେ ଗତ ୯ ତାରିଖ ବିଳମ୍ବିତ ରାତିରେ ପାଟିତୁଣ୍ଡ ହୋଇଥିଲା। ଏଥିରେ ଗାନ୍ଧୀ ଦାସ ଉତକ୍ଷିପ୍ତ ହୋଇ ଏକ ଲୁହା ରଡରେ ବାପା ଗଣ ଦାସଙ୍କୁ ଏକ ଲୁହା ରଡରେ ପିଟିଥିଲା। ଫଳରେ ଗଣ ଦାସ ଗୁରୁତର ଆହତ ହୋଇଥିଲେ। ତାଙ୍କୁ ପରିବାର ଲୋକେ ପ୍ରଥମେ ଖଣ୍ଡଦେଉଳି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ସୌମ୍ୟରଞ୍ଜନ ମହାପାତ୍ର ପ୍ରାଥମିକ ଚିକିତ୍ସା କରି ତାଙ୍କୁ ବ୍ରହ୍ମପୁର ସ୍ଵାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରିଥିଲେ। ତେବେ ଚିକିତ୍ସାଧିନ ଅବସ୍ଥାରେ ଗତକାଲି ଗଣ ଦାସଙ୍କ ମୃତ୍ୟୁ ଘଟିଛି। ଏନେଇ ବର୍ତ୍ତମାନ ସୁଦ୍ଧା ଥାନାରେ ଅଭିଯୋଗ ହୋଇନାହିଁ। ଗଣ ଦାସଙ୍କ ମୃତଦେହ ବ୍ରହ୍ମପୁର ମେଡିକାଲରେ ଅଛି। ପୋଲିସ ପହଞ୍ଚିଲା ପରେ ଶବ ବ୍ୟବଚ୍ଛେଦ ପାଇଁ ପଠାଯିବ ବୋଲି ସୂଚନା ମିଳିଛି।