କଟକ, ୧୩/୬: କ୍ରାଇମ ବ୍ରାଞ୍ଚର ସାଈବର ସେଲକୁ ବଡ଼ ସଫଳତା। ଚାରିଟି ଭିନ୍ନ ସାଇବର ଠକେଇ ମାମଲାରେ ୬ ଜଣଙ୍କୁ ଗିରଫ କରିଛି ସାଇବର ସେଲ। ବାଲେଶ୍ୱରର ଜଣେ ଓ ଭୁବନେଶ୍ୱରର ତିନି ଜଣଙ୍କ ଠାରୁ ପ୍ରାୟ ୩ କୋଟି ୭୨ ଲକ୍ଷ ଟଙ୍କା ନିବେଶ ନାଁରେ ଠକିନେବା ଘଟଣାରେ ୬ ଜଣ ଗିରଫ ହୋଇଛନ୍ତି। ପଶ୍ଚିମବଙ୍ଗରୁ ଜଣେ ମହିଳା ଗିରଫ ହୋଇଥିବା ବେଳେ ଗୁଜରାଟରୁ ୫ ଜଣ ସାଇବର ଠକ ବନ୍ଧା ହୋଇଛନ୍ତି। ପୂର୍ବରୁ ଏସବୁ ମାମଲାରେ ଆଉକିଛି ଠକ ଗିରଫ ହୋଇଥିଲେ। ତେବେ ଗିରଫ ଅଭିଯୁକ୍ତ ସମସ୍ତେ ନିଜର ବ୍ୟାଙ୍କ ଖାତା ଠକେଇରେ ଭଡା ଲଗାଇଥିଲେ। ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣ ଚାଷୀ, ଜଣେ ପରିବା ବେପାରୀ, ଜଣେ ମୋଟର ମେକାନିକ, ଜଣେ କାରଖାନା କର୍ମଚାରୀ ଓ ଜଣେ ମହିଳା ଏକ ବେସରକାରୀ ଚାକିରି କରିଛନ୍ତି ବୋଲି ସୁଚନା ମିଳିଛି।