ଗୋପାଳପୁର, ୧୪/୦୬: ଶୁକ୍ରବାର ବିଳମ୍ବିତ ରାତିରେ ମୋରମ ଚୋରା ଚାଲାଣ ହୋଉଥିବା ବେଳେ ବିଜେପିର କର୍ମୀ ମାନେ ୨ଟି ଟିପର, ଗୋଟିଏ ହାଇୱାକୁ ଥାନାରେ ଜିମା ଦେଇଛନ୍ତି। ସୂଚନାଥାଉକି ଗୋପାଳପୁର ଥାନା ଅଂଚଳର ବିକ୍ରମପୁର ଗାଁ ନିକଟରେ ଥିବା ମୋରମ କୁୱାରୀରେ ବେଆଇନ ଭାବେ ମୋରମ ଚୋରା ଚାଲାଣ ହୋଉଥିବା ନେଇ ବିଜେପି କରାପଲ୍ଲୀ ମଣ୍ଡଳ ସଭାପତି ଏମ.ସାଗରଙ୍କ ପାଖକୁ ଖବର ଆସିଥିଲା। ଖବର ପାଇଁ କିଛି କର୍ମୀଙ୍କ ସହ କୁଆଁରୀକୁ ଯାଇ ଦେଖିବା ବେଳେ ପ୍ରାୟ ୮ଟି ଟିପର ଓ ହାଇୱା ଓ ଗୋଟିଏ ଚେନ ଜେସିବି ଥିବା ଦେଖିବାକୁ ପାଇଥିଲେ।
ସେଠାରୁ ୨ ଟି ଟିପର ଓ ଗୋଟିଏ ହାଇୱାକୁ ନେଇ ଗୋପାଳପୁର ଥାନାରେ ଜିମା ଦେଇ ଥିଲେ ବିଜେପି କର୍ମୀ। ମୋରମର କେ ଫର୍ମ ଡୁପ୍ଲିକେଟ ଥିବା ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ କେ ଫର୍ମ ଅସଲି କି ନକଲି ପାଇଁ ମାଇନିଙ୍ଗ ବିଭାଗକୁ ଜଣାଇ ଥିଲେ। ପରେ ମାଇନିଙ୍ଗ ବିଭାଗ ଅଧିକାରୀ ମାନେ ଥାନାରେ ପହଂଚି ନଥିପତ୍ର ଯାଞ୍ଚ କରିଥିଲେ। ଯାଞ୍ଚ ବେଳେ ମାଇନିଂ ଅଧିକାରୀ ମାନେ କେ ଫର୍ମ ଟି ଅସଲି ଥିବା ଏବଂ ଏହି ମୋରମ କେଉଁ ଠାରୁ ଆସିଛି ତାହା ତଦନ୍ତ ପରେ ଫାଇନ ଆଦାୟ କରାଯିବ ବୋଲି କହିଥିଲେ। ପରେ ଘଟଣା ସ୍ଥଳକୁ ଯାଇ କୁଆଁରୀ ଦେଖିବା ସହ ଏକ ଜେସିବିକୁ ଜବତ କରିଥିବା ଜଣାପଡ଼ିଛି।
ଟ୍ରକକୁ ଥାନାରେ ଜିମା ଦେବା ପରେ ଏମ.ସାଗରକୁ ଧମକ ଚମକ ଦେଇ ଥିବା ଥାନାରେ ଲିଖିତ ଅଭିଯୋଗ ହୋଇଥିଲା । ଏ ନେଇ ଥାନା ଅଧିକାରୀଙ୍କ ସହ ଯୋଗାଯୋଗ ବେଳେ ତିନୋଟି ମୋରମ ବୋଝେଇ ଟ୍ରକ ସହ ଡ୍ରାଇଭର ଓ ହେଲପରକୁ ଅଟକ ରଖି ପଚରା ଉଚରା କରିବା ସହ ତାଙ୍କୁ ନୋଟିସ ଜରିଆରେ ଛଡ଼ା ଯାଇଛି। ଏବଂ ହୋଇଥିବା ଅଭିଯୋଗକୁ ନେଇ ତଦନ୍ତ କରାଯାଉଥିବା କୁହାଯାଇଛି।
