କେସିଙ୍ଗା,୧୪/୦୬: ଆସନ୍ତା ୨୭ ତାରିଖ ଦିନ ହେବାକୁ ଥିବା ରଥ ଯାତ୍ରା ପାଇଁ କଳାହାଣ୍ଡି ଜିଲ୍ଲାର କେସିଙ୍ଗା ଜଗନ୍ନାଥ ମନ୍ଦିର ପରିସରରେ ଥିବା ଋଷି ସାହା ସଂସୃତି ଭବନ ଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। କେସିଙ୍ଗା ଗୌତିଆ ତଥା ଜଗନ୍ନାଥ ମନ୍ଦିର ଟ୍ରଷ୍ଟ ସଭାପତି ଡାକ୍ତର ହେମ ସାଗର ସାହା ଏହି ବୈଠକର ନେତୃତ୍ବ ନେଇଥିଲେ।
ଶାନ୍ତି ଶୃଙ୍ଖଳାର ସହିତ କିପରି ଘୋଷଯାତ୍ରା ସମ୍ପନ୍ନ ହେବ ସେହି ଉପରେ ବିଶେଷ ଆଲୋଚନା କରାଯାଇ କମିଟି ପକ୍ଷରୁ କେଉଁ ସବୁ ପଦକ୍ଷେପ ଗ୍ରହଣ କରାଯିବ ଓ କେଉଁ ମାନେ କେଉଁ ଦାଏତ୍ୱରେ ରହିବେ ସେ ବିଷୟରେ ବିଶେଷ ଆଲୋଚନା କରାଯାଇଥିଲା। ଏଥିରେ କେସିଙ୍ଗାର ସମସ୍ତ ବିଭାଗର ବିଭାଗୀୟ କର୍ମଚାରୀ ମାନେ ଉପସ୍ଥିତ ରହି ନିଜ ନିଜ କାର୍ଯ୍ୟ ସମ୍ପାଦନ ପାଇଁ ଦାୟୀତ୍ୱ ନେଇଥିଲେ । ଅନ୍ୟ ମାନଙ୍କ ମଧ୍ୟରେ କେସିଙ୍ଗା ଏନ୍ ଏ ସି କାର୍ଯ୍ୟନିର୍ବାହୀ ଅଧିକାରୀ ଚିନ୍ମୟ ଆଚାର୍ଯ୍ୟ, କେସିଙ୍ଗା ଥାନା ଅଧିକାରୀ ପ୍ରଦ୍ୟୁମ୍ନ ମହାପାତ୍ର , ହରିଶଙ୍କର ଭୋଇ, ରମେଶ ଚନ୍ଦ୍ର ପଟ୍ଟନାୟକ, ନଳୀନି ପଟ୍ଟନାୟକ, ଶିଲୁ ପରିଡ଼ା, ଗିରିଧାରୀ ଭୋଇ, ଅଭିମନ୍ୟୁ ମହାନନ୍ଦ, ରଘୁ ରାଜ ସିଂ ଓ କେସିଙ୍ଗାର ଅନେକ ଲୋକ ଉପସ୍ଥିତ ଥିଲେ।
