ନୂଆଦିଲ୍ଲୀ, ୧୦/୧୧ : ଅଜୟ ଦେବଗନଙ୍କ ଫିଲ୍ମ ‘ସିଂଘମ ଏଗେନ’କୁ ଥିଏଟର୍ସରେ ଆଜି ୧୦ ଦିନ ହୋଇସାରିଛି । ଫିଲ୍ମ ଆସିବାମାତ୍ରକେ ବକ୍ସ ଅଫିସରେ ଏହାର ଜଲଓ୍ବା ଦେଖାଇସାରିଥିଲା । ମାତ୍ର ଓ୍ବିକେଣ୍ଡ ଆରମ୍ଭରୁ ଏହାର କଲେକ୍ସନରେ ଧିମା ଦେଖା ଦେଇଥିଲା।
ଯାହା ଦ୍ବିତୀୟ ଓ୍ବିକେଣ୍ଡରେ ପୁଣି ବଢିଥିଲା । ୧୦ମ ଦିନର ଫିଲ୍ମର କଲେକ୍ସନର ରିପୋର୍ଟ ଆସି ସାରିଛି । ଆସନ୍ତୁ ଜାଣିବା କେତେ କରିଛି କଲେକ୍ସନ । ରୋହିତ ଶେଟ୍ଟୀଙ୍କ କପ୍ ୟୁନିଭର୍ସର ପଞ୍ଚମ ଫିଲ୍ମ ସିଙ୍ଘମ ଏଗେନ ୧୦ମ ଦିନ ୫.୫୫ପର୍ଯ୍ୟନ୍ତ ୮.୨୨କୋଟି ଟଙ୍କାର କଲେକ୍ସନ କରିଛି । ରିପୋର୍ଟ ଅନୁସାରେ ମୋଟ ୨୦୧.୪୭କୋଟି କଲେକ୍ସନ ହୋଇସାରିଛି ।
ସିଙ୍ଘମ ଏଗେନ ଅଜୟ ଦେବଗନଙ୍କ ଚତୁର୍ଥ ଏଭଳି ଫିଲ୍ମ ହୋଇଯାଇଛି ଯାହା ୨୦୦କୋଟିର ସଂଖ୍ୟା ପାର୍ କରିପାରିଛି । ଏହା ପୂର୍ବରୁ ଗୋଲମାଲ ଏଗେନ, ତାହ୍ନାଜୀ-ଦ ଅନସଙ୍ଗ ଓ୍ବାରିୟର ଏବଂ ଦୃଶ୍ୟମ ୨ ୨୦୦କୋଟିରୁ ଅଧିକ ଘରୋଇ ବକ୍ସ ଅଫିସରେ କଲେକ୍ସନ କରିଥିଲା ।
