ଭୁବନେଶ୍ୱର ୦୮/୦୬: ରାଜଧାନୀରେ ଚାଞ୍ଚଲ୍ୟ । କପିଳେଶ୍ଵର ମନ୍ଦିର ବେଢ଼ାରେ ଘଟିଛି ସାଂଘାତିକ ଘଟଣା। ପୂଜା କରିବାକୁ ଯାଇଥିବା ଜଣେ ନାବାଳିକାକୁ ଜଣେ ସେବାୟତ ଦୁଷ୍କର୍ମ ଉଦ୍ୟମ କରିଥିଲେ। ଏନେଇ ନାବାଳିକାର ପରିବାର ଲୋକ ଶ୍ରୀଲିଙ୍ଗରାଜ ଥାନାରେ ଅଭିଯୋଗ କରିଥିଲା। ପୁଲିସ ମାମଲା ରୁଜୁ କରି ଅଭିଯୁକ୍ତ ସେବାୟତ ପ୍ରଦ୍ୟୁମ୍ନ ମଲିଆଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗତ ୩ ତାରିଖ ସନ୍ଧ୍ୟାରେ ମନ୍ଦିରକୁ ଯାଇଥିଲେ ସ୍ଥାନୀୟ ଅଞ୍ଚଳର ନାବାଳିକା। ଠାକୁରଙ୍କ ଆଳତୀ ସରିବା ପରେ ପ୍ରଦ୍ୟୁମ୍ନ ତାଙ୍କୁ ଶନି ମନ୍ଦିର ଦର୍ଶନ କରାଇ ଦେବାକୁ କହିଥିଲେ। ନାବାଳିକା ଜଣଙ୍କ ତାଙ୍କ ସହ ଯାଇଥିଲେ। ସେଠାରେ ଅନ୍ଧାରରେ ସୁଯୋଗ ନେଇ ପ୍ରଦ୍ୟୁମ୍ନ ନାବାଳିକାକୁ ଦୁଷ୍କର୍ମ ଉଦ୍ୟମ କରିଥିଲେ। ନାବାଳିକା ଚିତ୍କାର କରିବାକୁ ସେ ତାଙ୍କୁ ଛାଡ଼ି ଦେଇଥିଲେ। ଏନେଇ ନାବାଳିକା ତାଙ୍କ ଘର ଲୋକଙ୍କୁ ଜଣାଇଥିଲେ। ପରିବାର ଲୋକଙ୍କଠୁ ଏତଲା ପାଇ ପୁଲିସ କପିଳେଶ୍ଵର ଗ୍ରାମରେ ଚଢ଼ଉ କରି ପ୍ରଦ୍ୟୁମ୍ନଙ୍କୁ ଉଠାଇ ଆଣିଥିଲା। ପୁଲିସ୍ ନାବାଳିକାର ବୟାନ ରେକର୍ଡ କରିଛି। ଅଭିଯୁକ୍ତ ସେବାୟତ ପ୍ରଦ୍ୟୁମ୍ନ ମଲିଆଙ୍କୁ ଗିରଫ କରି କୋର୍ଟ ଚାଲାଣ କରିଛି।
