ପୁରୀ, ୩।୧୨ : ଆସନ୍ତାକାଲି ପୁରୀରେ ସ୍କୁଲ ଛୁଟି  ।  ପ୍ରଶାସନ ପକ୍ଷରୁ ଏହା ଘୋଷଣା କରାଯାଇଛି।  ନୌସେନା ଦିବସ ପାଳନ ଉପଲକ୍ଷେ ପ୍ରଶାସନ ପକ୍ଷରୁ ଏହି  ନିଷ୍ପତ୍ତି  ନିଆଯାଇଛି। 

ଆସନ୍ତା ୪ ତାରିଖରେ  ରାଷ୍ଟ୍ରପତିଙ୍କ ପୁରୀ ଗସ୍ତ ଏବଂ ନୌସେନା ଦିବସ ପାଳନ ଉପଲକ୍ଷେ ପୁରୀ ପୌରପାଳିକାର ସମସ୍ତ ସରକାରୀ ଓ ବେସରକାରୀ ପ୍ରାଥମିକ, ମାଧ୍ୟମିକ ଓ ଉଚ୍ଚ ମାଧ୍ୟମିକ ଶିକ୍ଷା ଅନୁଷ୍ଠାନ ବନ୍ଦ ରହିବ । ଏଥି ସହିତ ଗୋଲୁଆରର ମଦର୍ସ ପ୍ଲବିକ ସ୍କୁଲ , ପ୍ରଭୁଶ୍ରୀ ଇଂଲିଶ ମିଡିୟମ ସ୍କୁଲ, ଚନ୍ଦ୍ରଶେଖର ଏକାଡେମୀ,  ବୀର ହରେକୃଷ୍ଣପୁରର ଏସଟି ଜାଭିୟର ହାୟର ସେକେଣ୍ଡାରୀ ସ୍କୁଲ  ମଧ୍ୟ ଏହି ଉପଲକ୍ଷେ ବନ୍ଦ ରହିବ ।

କିନ୍ତୁ NCERT ଦ୍ଵାରା ପରିଚାଳିତ PARAKH ରାଷ୍ଟ୍ରୀୟ ସର୍ବେକ୍ଷଣ ୨୦୨୪ ଜାତୀୟ ସ୍ତରର ପରୀକ୍ଷା ହୋଇଥିବାରୁ ଏହି ପରୀକ୍ଷାଟି ପୁରୀ ପୌରପାଳିକା ଅନ୍ତର୍ଗତ ପରୀକ୍ଷା କେନ୍ଦ୍ର ମାନଙ୍କରେ ଓ ପ୍ରଭୁଶ୍ରୀ ଇଂଲିଶ ମିଡିୟମ ସ୍କୁଲରେ ସକାଳ ୭ ଘଟିକା ରୁ ମଧ୍ୟାହ୍ନ ୧୨ଘଟିକା ମଧ୍ୟରେ ଅନୁଷ୍ଠିତ ହେବ । ଯାହାର ପରୀକ୍ଷାର୍ଥୀମାନେ ସକାଳେ ୭ଟା ପୂର୍ବରୁ ପରୀକ୍ଷା କେନ୍ଦ୍ରରେ ପହଞ୍ଚିବେ ଓ ମଧ୍ୟାହ୍ନ ୧୨ ଘଟିକା ପରେ ବିଦ୍ୟାଳୟ ପରିତ୍ୟାଗ କରିବେ । ପୁରୀ ପୌରାପାଳିକାର ଅନ୍ୟ ବିଦ୍ୟାଳୟ ମାନଙ୍କ ପରି ଏ ସମସ୍ତ ବିଦ୍ୟାଳୟର ପରୀକ୍ଷାର୍ଥୀ ମାନଙ୍କ ବ୍ୟତୀତ ଅନ୍ୟ ସମସ୍ତ ଛାତ୍ରଛାତ୍ରୀ ମାନଙ୍କ ପାଇଁ ବିଦ୍ୟାଳୟ ବନ୍ଦ ରହିବ ବୋଲି ଜିଲ୍ଲା ଶିକ୍ଷା ଅଧିକାରୀ ଦୀପକ କୁମାର ପାଢ଼ୀ ସୂଚନା ଦେଇଛନ୍ତି।।